室內設計裝修請進~~

如要參考留E-mail給我

好睇你講的「做設計」係邊一類的設計。
辛唔辛苦見人見致。
你本身enjoy o既, handle到,就唔覺辛苦。
否則唔enjoy, 無mood, D野又趕又無咩時間, 改極都仲有得改, 個客無寧兩可時, 你就會感到辛苦。

熬夜, 唔可以話一定。
真係睇下你做邊類DESIGN, 公司大唔大...如果細公司, 有可能一腳踼的情況, 成日OT都唔奇。又或者有D細公司，本人唔太多生意, 他他調調做完自己野，D野自己安排時間完成, 唔即日交, 準時放工都無問題。要趕先上來時,就真係無得你揀喇。

其實好難講話「你岩唔岩做設計」。因為唔知你強弱之處啦、諗野夠唔夠闊、有無技能、軟件純熟程度、鍾唔鍾意留意人地其他的設計、睇書、8卦、潮流、色彩的觸覺…
所以唔知你岩唔岩做。你可以自己諗下。

如果你未出來工作，大可以讀D比較有晉升前途o既工，唔好做平面設計。除非你諗野好掂, 天馬行空,又有技能, 又熬得夜。 否則點解唔讀d第日可以舒舒服服準時準后放工, 月薪穩定, 有得升職o既工?

做野方便, 當然係office度做。
如果你做freelance(自由工作者,自由接job, 不是僱員關係)的話, 就可以在屋企做。
咁你平日o係公司做唔晒o既野, 當然都可以帶回家做. 但一DD公司肯比你咁做, 因為商業原因, 同埋行程上, 用公司電腦做下個file, 又拎返屋企部腦做下...呢個過程唔多程式儲存同運作上始終有D麻煩...到時可能第2天,你要把在家中搞掂的FILE在公司執餐死...SO,除非你家中所用電腦內之軟件、字型、螢幕色彩等等…都同公司所用一模一樣, 否則都係免得過就免咪帶野返屋企做. 人情上,都好陰公,話左放工, 但都要回家繼續工作...真是辛苦到極點...

另外以下是我曾發表的補充:
其實平面設計我自己做落覺得無咩發展空間，除非你真係好有諗頭，又有技術(精通好多software、印刷技術), 否則都係得個做字~。 好多時候, 仲要係做客人"想你"做的，並唔係自己想點做就點做。到果陣都唔算係自己design, 而係個客要你點deisgn, 你自己覺得唔掂,個客話OK, 你都要照出街, 之後回響唔好, 又賴你D design唔掂....

入行就唔係好難o既. 做下稿先再入廣告公司都可以。
而順帶一提, o係設計學校學到o既理論同實踐, 有時真係同現實o係公司所做的確有不同...例如我讀果陣, 阿SIR教用針筆做稿....點知出到黎做野, 先知而家社會已全用電腦做稿...雖然係知道下D做稿理論, 但技術始終係學唔到, 係無學到。學左果D野都未必用得返出黎或有用。
所以你揀學校時要小心D, 真係問下熟人或聽下人意見去讀比較好! 揀岩自己讀的學校, 避免浪費學費…


其實要讀不如讀時裝設計、室內設計。
呢兩行都幾好搵!
讀時裝, 第日讀唔掂都起碼可以試下採購時裝, 你有時裝設計底, 對布料有熟悉, 實可以應付得到, 而而家呢行D人工都幾高o下, 5年經驗的已3萬+一個月. 再唔係, 第日自己開店做生意又得! "衣、食、住、行" o係呢個世界缺一不可, 實有得做.
而室內設計，你都知香港成日有新樓花推出, 又係要一班designer幫手諗唔同單位的設計, 加上香港又有唔少豪宅之類, 香港人肯比錢裝修, 實有得做啦!
唔通D人肯花幾百萬買樓, 唔肯比十幾萬裝修咩? 係咪?

反而平面設計好與唔好, 好見人見致.
搵得多極都唔夠上面果兩樣多.
都係果句, 除非你本身好有潛質同好勁啦!

唔好入錯行!
我就係好例子...而家想轉都轉唔郁.
因為年紀已大...唉

希望對你有d幫助啦.
祝好運!!