一個小朋友如果係因為家庭因素而令自己缺乏自信心, 繼而學壞, 應該點做?

naomi

2007-10-22 5:22 am

我睇返我細佬細個讀幼稚園d 相, 我發現當群體活動ge時候, 好多小朋友都會搵朋友仔玩,

但係佢就自己一個坐埋一邊, 好似冇人想同佢玩咁,(但佢返到屋企就係一個小霸王) ,接佢放學個陣個老師都話我細佬係學校好靜,唔多出聲, 當時睇冇發現呢個現象..但係而家.....

佢6年級喇 , 學得好壞, 又比學校記過又逃學, 夜晚仲唔返屋企tim

我記得以前其實我地屋企阿爸阿媽都經常吵架( 其實而家都係咁,但少左), 我地幾兄弟姐妹感情又唔係咁好,

以前我細佬佢唔敢主動搵人同佢玩係咪間接因為我地屋企呢? 令到佢係外面冇咩自信?

搞到而家反而學壞?? 行左一條唔好的路?

咁我應該點教返好佢呢?? 第一步開始要點做??

回答 (1)

智華

2007-10-22 7:05 am

✔ 最佳答案

我既見議係, 千萬唔去再鬧佢,因為鬧佢只會增加佢對家人既反感會越來越大..
第一步係, 建立關係, 佢係你細佬,我相信你地既年紀應該唔會相差好好遠,比多d支持佢同鼓勵佢, 比多d佢信心, 了解佢依家煩堅既嘢, 有能力地幫佢解決問題,咁樣我相信好快佢會信任你而同你講心事or謁計.
第二步係, 唔好比佢覺得你係好煩既人, 例如成日想佢點點點, 因為好煩既人對你細佬嚟講佢會避開,不會彩你,明白嗎?
第三步係, 你都嘗試同你細佬做朋友, 因為點解佢成日都想出街唔返屋企, 因為佢冇朋友, 例如响一d節日or生日送一d佢好鐘意既嘢, 例如一部遊戲機等等...千萬唔好覺得冇用啊!!!
第四步, 唔好放棄, 比心機, 一定會有轉機! 愛是一件偉大既事,係用錢買唔到既

p.s 本人現年24,銀行工作,小時候曾經好反叛,冇人懂得同我溝通,而我也不懂與人溝通,所以會有今天的反思,希望幫到你!

參考: 自己

👍 0 👎 0