炒親野都會痴底

任何金屬的鑊，新買回來

(1) 清潔，用濃縮清潔濟(例如潔而亮)清洗乾淨，之後用清水洗淨；

(2) 開著火，慢火，落食油，用海棉或布將食油淘勻鑊的每處，新鑊很食油，會吸油，時不時要加油，大約5分鐘左右就ok。

開鑊完成，又洗淨。以後用鑊炒野/煎野記得用正確的方法，就是開火幾十秒，感到鑊完全熱透才落油，油又完全熱透才落食物/調味料，此乃煮食要訣！

2007-10-21 19:20:25 補充：
我唔相信你果隻一定係易潔鑊！

如係西式平底鑊就最好揀有夾層厚底鬼咁重嗰隻，要冷鑊落油，再以小火燒到見到鑊中的油出現一些煙，才將食材落鑊，再視乎食材調較火力。呢種鑊通常幾百蚊一隻，唔一定要買大牌子貴到嘔的，之前有網民回應說在幾年前在某大超市用$108換了一個煲，約四五吋深有玻璃蓋，可當煎pan用，又可炒菜，回應說幾好用，這種鑊因受熱平均及保持温度能力高，如炒少少菜一個人食，有時菜落鑊炒兩炒便可熄火炒到熟。

如果係中式不銹鋼鑊，就小火燒熱隻鑊至落油才炒，如係煎魚則將油搖勻在鑊面後將油倒出，重新落油，揸住條魚將魚尾，在鑊中心油較深地方來回掃幾下，等魚尾可不掂鑊先煎熟再將魚落鑊，千祈咪咁快鏟條魚住，一路煎到搖吓个鑊條魚都郁冇黐住才反(最少五六分鐘，視乎火力，不過煎魚一定不能大火)，不過要够油至得，如果一味講健康落半匙油就冇得搞。

你要開獲ｋａ！你試吓買一個洋蔥“設”碎佢，跟住炸洋蔥，炸到佢燶，跟住不走ｄ洋蔥，ｄ油留喺隻獲入面，直至第２日煮飯先至洗獲，你試吓，係個廚房佬敎我ｋａ，呢個方法．

non-sticky新穫係唔會痴底既, 如果你買了傳統穫(即老人家鍾意用及有線電視蘇絲黃介紹果種穫), 就要用多D油, 火燒熱個穫後先至炒野, 仲要唔好停太耐, 唔係就會痴底。

唔駛講你開煤氣一定經常開大火,易潔獲不需要的,你可嘗試較細啲