✔ 最佳答案
1. 首先你要整溶d 朱古力,咁者係要黎做裝飾或者做甜品啦!咁你就要去烘焙店到買烘焙用0既朱古力,而朱古力有分兩種,一種係真朱古力,一種係假朱古力,假朱古力係唔需要做降溫呢個步驟,真個d要降左溫先可以用,而且要掌握得好好。
2. 買左朱古力之後,就量出所需份量,將佢切成細粒,你可以買d唔係一大舊,一粒粒咁,就慳返切0既功夫。
3. 屋企有微波爐的話可以放入去叮佢十幾秒十幾秒咁叮,直至溶左差不多七八成,就攪佢,攪到溶晒為止。若果無都唔緊要,煲一煲熱滾水,用個碗放住d朱古力,個碗幾大視乎你有幾多朱古力,跟住將個碗放係熱水上面座住熱水黎攪,記住水只可以浸過碗的一半,先浸一陣,等佢略溶後就開始攪,直至完全溶左為止,記住唔好篤d朱古力,用攪的方法。
4. 若果你d係真朱古力,者係要降溫,咁就係溶好之後就掉幾舊朱古力落去,跟住係咁攪,之後就再用唇邊試試溫度,如果係無溫度咁者係溫度正確可以使用。如果未得就繼續加朱古力,降好溫之後,將放入去降溫0既朱古力取出放入袋或盒下次降溫再用就可以。