發現公司沒有供強積金

如你怕老闆娘小氣，你咪同佢講想轉其他資金入依家間信託公司/想轉動基金，係咪要經公司幫你攪？咪傻問佢，睇下佢點講先？

因為以你講既情況，首先你要確認你已填寫信託公司之僱員登記表，第二，你會收到成員證明書，第三，公司每次有幫你扣除強積金，咁你先確定你自己有被正式辦理強積金。

另一情況，有些信託公司會每半年/一年出一次statement，但你要留意個時間性問題，我試過一次收到1月1日列印之statement，發現公司尚有起確3-4期強積金未付，問人事部下先知，公司當月強積金會於下月支付，而statement列印日期與結算日期差2-3個月，所以出現以為幾個月公司無幫我供既情況。

另一方面，正常公司已為你開設強積金戶口，一般信託公司均會定期檢查僱主慣常供款，確保其正常供款及沒有供少，這是積金局的要求。除非公司由頭到尾都沒有為你開設戶口，那積金局基本上不會知道，除非有人告發。

所以我建議你先查清楚statement上資料，再懷疑便扮傻問老闆娘。

希望幫到你。

你以匿名信通知積金局叫佢地調查吓咪得囉