請問大圍康齒堂做隱適美的隱形牙箍好唔好?

我講下我用隱適美箍牙既流程 :)

首先你去搵你心水既牙醫診所徵詢下意見先
牙醫會首先觀察下你棚牙有咩大問題
我就因為d牙真係歪得幾離譜,所以醫生話我基本上無乜可能用鐵線
佢建議我用隱適美,佢同我交代晒d價錢就叫我考慮下
除左係錢既問題要考慮之外,都要考慮牙齒既健康,因為如果牙齒唔齊
到大d既時候,d牙齒無足夠既空間發展或者比其他牙齒壓住
好有可能要mok牙或者有牙周病.

到決定左箍喇,牙醫會叫你去照x-ray
有d診所可以照埋,有d就會轉介你去醫務所照
我就係後者,醫務所收既錢會係箍牙總數度扣返
照完之後,醫務所會直接將x-ray片送返去牙醫診所
中間大約需時1-2星期

牙醫睇清楚牙齒既情況,會約見返你
佢會同你講你既情況,要箍幾耐,要留意既事
當你決定唔箍既時候,呢次係最後一次機會喇
因為要比第一期錢,有d牙醫會一次收一半錢,
亦有d會將總數除時間,每次覆診交錢
我睇個間診所就係第一期比一萬
其餘既錢你可以鍾意幾時比比幾多都可以
亦都可以等到就黎箍完之比尾數

交左錢之後,就要等一個月左右
你既資料就飛左去美國,d牙套就開始造喇

到d牙套到左牙醫診所既時候
你就去拎你既第一副牙套,即係0號
0戴上去無乜特別感覺,因為係比你習慣口裡面多左d野
未正式開始矯正d牙醫,而之後就牙套就會係1 of xx, 2 of xx咁
xx就係你要用既牙套總數,上下排牙醫應該會唔同
(好似我咁,上面要用49,但係下面要用54)

之後你要每兩個禮拜換一次新牙套
牙醫會用d白色粒粒痴係你d牙齒表面去固定個牙套
因為d牙齒要不停咁移位,有時要磨細少少隻牙
所以有時佢會整到你d牙有好大條隙縫
咁樣係比d牙齒移位,唔駛太緊張

岩岩開始唔會太痛,只會覺得有少少唔慣同埋除落黎食野既時候會有少少發麻既感覺
半年左右之後,d牙開始移得明顯左,痛都會多左=(
同醫生反映,佢都係會話:每日戴耐d就慣架喇~
(奈何我箍左年幾都未慣-_-)

每日要戴廿二個鐘頭先有用架,如果怕麻煩或者會成日唔記得戴既話
建議都係用返鐵線好d,因為d朋友仔見到我食野要除,又要成日戴住都覺得麻煩



你考慮下啦,同埋你要資詢下你既牙醫先:)
因為都唔係人人岩用隱適美,有朋友仔貪靚,佢有少少哨牙
唔想用鐵線,佢問佢牙醫先知原來牙套唔夠力將成棚牙齒拗返正
只可以好少好少咁移動d牙齒,朋友仔都怕等得耐所以無箍lu



希望幫到你喇,呢篇野都打左勁耐-_-