球例高手請進

其實夾波係唔係犯規?
其實夾波是否犯規，純粹睇你意圖。
如果你將個波夾左係雙腳中間，之後一拐一拐咁行，咁就一定係犯規，因為你用意係想夾住個波黎行，球證應該會用「不君子行為」吹你，話你「不合法地保護皮球」。

但如果係白蘭高果隻，極速將個波夾左係雙腳中間，之後向前一跳，連人帶波咁跳過對手，咁當然唔會犯規啦。
不過，一直以來好多講波佬都覺得，有時白蘭高夾住好耐都唔跳，但唔知點解都冇吹罰，理由係佢夾住個波之後冇夾住黎行，而只係企係度，所以好多時球證唔吹就係咁解。

2007-10-26 18:16:17 補充：
關於你個例子，就要睇下你跌底左之後，有冇人黎搶你個波。如果冇的話，應該冇咩問題 (但現實生活中冇球員會係跌底後夾住個波，一個二個都只係希望快快起身)。但如果有人過黎搶的話，同樣都會係話你「不合法地保護皮球」而吹你「不君子行為」，再送上鮮艷黃色牛肉乾一張。