我想知IFA係乜

香港身為國際金融中心,市面上其實有好多金融機構提供五花八門既儲蓄或投資工具,包括經常接觸到既三大金融行業: 銀行,保險公司,以及IFA(Independent Financial Advisor,即獨立理財顧問公司).

無論銀行又好,保險公司又好,佢地都有自己既儲蓄產品供你選擇.但邊樣最適合你,你未必會知.正如你去買運動鞋,去到Adidas專門店,啲sales會話佢地d鞋幾好幾靚,去Nike專門店,佢地會話d鞋幾新幾正,但係你去運動家or馬拉松,有齊Adidas,Nike,Puma,New Balance...etc 咁多牌子款式你揀,咁你係咪可以揀到最啱你心水既款式,牌子以及價錢既鞋呀? 講個咁既比喻,無非想帶出上面所提到既IFA既角色,佢地就似運動家or馬拉松一樣,角色中立,冇自己既產品,但係市面上大部份(~90%)既金融產品你都可以搵得到.提供左一個平台你去"試衫同試鞋".最直接同簡單既方法就當然係consult佢地d獨立理財顧問,佢地對呢方面夠熟悉同專業,最重要係因為資詢係free of charge~如果想知多d,問下又何妨!

你睇完yahoo知識後,覺得好似IFA係最好咁,我諗係因為佢地既角色夠中立.透過同你既會面,了解左你個人情況,知你有咩需求,從而幫你選擇最fit你既產品.就算嗰d冇門市部既金融機構如Zurich or Aviva既產品你都可以搵得到,變相你既選擇係多左,自由度亦大左.

不過,有一點要提醒你,就係揀IFA consultant要小心,因為同保險經紀一樣,佢地會負責跟進你張單.所以無論係喺責任感或專業知識方面,都要作出謹慎選擇.

樓上的網友給你的答案相當有行內專業水準。
我亦有小許補充。
IFA(Iindependent Financial Advisor)一名詞及行業人民在香港執業並無監管。
但Investment Advisor投資顧問卻是受監管的活動。regulated activities under the SFC ordinance. (see web page www.hksfc.org)
Investment Advisor 的公司是licensed corporation持牌法團. 員工是中介人身份.亦雖持牌。除非是冇售賣(或給意見)活動牽涉到。
持保險牌的保險從業員只能賣保險公司的投資相連保險產品，而禁止售賣(或給意見)証券類投資產品除非他同時兼有SFC的適當持牌。


2007-10-22 00:01:10 補充：
行業人民 should be 人仕, sorry for typing mistake

IFA既英文全名為Independant Financial Advisor, 中文係獨立理財顧問.

獨立理財顧問既好處係佢地係代表客人係金融市場中尋找合適的產品, 相反, 一D銀行職員或者保險公司既經紀, 佢地係代表自己既公司. 我諗你應該未見過匯豐既職員叫你去幫襯中銀, 唔好幫襯匯豐. 又或者AIA既保險經紀叫你去幫襯宏利買保險, 唔好幫襯AIA買.

當然, 獨立理財顧問既質素係會影響到佢地係唔係最好. 因為佢地係代表個客人係金融市場揾合適既產品, 所以如果佢地唔熟悉市場, 無投資既經驗及知識, 咁就未必一定可以幫個客人揾到對個客人黎講最佳既利益既產品.