關於相機鏡頭...1:1.4同1:1.8有咩唔同?

如果嗰兩個係寫在鏡頭上的數字,佢應該唔係指放大率而係指鏡頭的最大可用光圈.
你睇到的應該係定焦鏡例如50mm或者85mm一類,如果係變焦鏡又唔係恆定光圈的你會見到兩個數值例如1:2.8-4.5咁既格式,分別表示咗廣角及望遠端的最大可用光圈.
分別就係f1.4光圈值比f1.8大.光圈值大可以有更大的入光量,有效加快快門速度,降低閃光燈輸出,可以有更淺的景深效果,所以大光圈鏡一般比細光圈鏡貴.而且大光圈鏡頭拍攝時可以收細光圈,反之細光圈鏡頭開盡光圈後就冇得再開大.
至於macro方面,普通鏡頭多數冇直接標出來,要睇規格先睇到.
微距鏡就可能會寫出來例如Macro 1:1等
有Macro功能既鏡頭或者真正微距鏡頭,跟普通鏡頭的最大分別係放大率同埋最近對焦距離.
一般鏡頭的最近對焦距離都不及微距鏡近.當你發覺物件唔夠大想走近一點時會發覺不能對焦.
就以Nikon的兩支相同焦距定焦鏡為例.
105mm F2D最近對焦距離係0.9m,所以佢最大放率只有1:7.7
但係105mm f2.8 micro最近對焦距離可以短至0.31m,所以放大率可以達到1:1.
1:1的意思係真實物件有多大,它的影像在感光完件上就有多大,例如感光完件是24 x 16mm,那麼一件24mm長的物件在1:1放大率時剛可填滿相片的長度.但用1:7.7的放大率的話就需要185mm大的物件才可以, 24mm長的物件只能佔相片長度的1/7.7.
另外正式微距鏡(不是有微距功能的那些).光學質素一般較好,有較平均的中心至邊緣解像度,普通鏡頭多是中心比邊緣好得多.
另外微距鏡的設計也針對手動對焦把對焦環做得較長行程,今手動對焦更準確.
至於附有微距功能的鏡頭放大率係去唔到1:1咁大,光學質素也只是跟普通鏡頭一樣.
如果你唔介意睇英文的話,以下的網址對微距攝影有好詳盡介紹,無論係器材定技巧.
http://www.beautifulbugs.com/beautifulbugs/howto.htm