問米與輪迴轉世

大約兩年前,我朋友同佢媽媽一起到大陸去找一個人哋話好靈嘅問米婆,我朋友和佢媽媽都是潮洲人,個問米婆就唔知係邊度人,總之就唔係潮洲人亦不懂潮洲話,大家都是互不相識,亦無熟人介紹,所以大家都唔知對方底細,我朋友想請佢亞公上嚟,因為有些重要事問佢亞公,咁個問米婆就向佢媽媽攞了先人的姓名,籍貫,出生陽曆年月日,死亡年月日,跟住就請咗佢亞公上嚟,佢媽媽半信半疑,就用潮洲話問了一些問題,對方竟然用潮洲話答得頭頭是道,連佢媽媽嘅乳名都講得出,以前一些生活細節都講得清清楚楚,把聲依然是問米婆把聲,但全程用潮洲話對答,所以佢地就認定眼前呢個就係佢死咗二十多年嘅亞公...佢嘅經歷就係咁樣,而我諗唔明嘅問題係:
1.係唔係真有問米呢回事?
2.咁個先人死咗咁耐都仲可以請到佢上嚟,即係話佢無投胎轉世啦,點解?是不是否定了輪迴轉世的論說?定係個先人唔想投胎呢?死咗成二十多年囉喎.
3.如果有輪迴轉世的話,咁又點解仲可以請到佢上嚟呢?兩者之間,是不是很矛盾?
4.如果無輪迴轉世的話,咁地府陰間,自古以來咪迫到爆?
我想要一啲對玄學有認識嘅人的意見,唔要講埋啲信則有,不信則無的廢話.