我想問點先可令自已細心d？？請按！！本人描述詳盡！！

如果你真係咁有心，相信你只要做到以下既事項，
你既成績其他人都會有目共睹！

Q1。想自己細心d，妳應該多d留意身邊事物。
如果係對人，你就要多d去了解對方既感受，唔好淨係顧自己！
Q2。每一件事情都應該仔細去留意，當差唔多完成該事情既時候，可以複檢
Q3。咁就係你自身既問題，得個諗字係冇用的，因為第一點就係要自己加把勁，
所以妳要有呢個心。學業注重d，就應該有遇到唔明既問題既時候多發問，
唔一定要問老師，可以問家人、朋友，甚至你身邊既同學。
溫書呢樣野每個人都唔同，假若你係有心要讀書，可以多作筆記，
將老師講既野抄底，但唔係樣樣都抄，要抄重點
Q4。咁就要睇你對個件事有冇心，著唔著緊。當妳可以了解個件事既時候，
妳就要專心去應付，得呢件事完左，再去做另一件事，
當然妳要識得分辨邊一件事係重要，就去完成左佢先。
Q5。英文差唔緊要，妳要多d問英文老師，平時遇到唔識既英文就要查字典。
例如課文有好多生字妳唔識，妳就要查字典並將解釋寫係該詞語既上方
除左解釋，妳亦可以將讀音寫上去，之後睇多d全篇文章，妳就可以了解全文。
背書唔一定好，因為妳要先了解全文，如果唔係肯黎都冇用啦！
默書係一個好方法，但唔可以出貓，但同上，都要自知全文解釋，先默到出黎架
作文就比較麻煩，如果英文係差既話都好難用到正確既詞彙去寫文章，
可以多參考其他書籍，又或者買d英文作文既書去多讀，多參考。
Q6。數學真係好難，我自己都唔識，但其實數學只要多做數，就會明。
最緊要係唔識個條數題既時候，就要去問數學比較好既同學，又或者問老師，
妳要先了解個方程或者計算步驟，之後再做多d類似既數，又或者自己出俾自己，
做多d，就記得熟d算式架喇！
Q7。記憶呢樣野每個人都唔同架，多訓練吧！例如用圖像去幫助自己去記野，
又或者用一d類似既野去代替妳想記個樣野，可以會有幫助d。
Q8。聰明，每個人都有自己既專長，冇話唔識邊樣就唔聰明架嘛，Right？
最緊要做好自己，將自己既專長發揮出黎！
Q9。多d睇英文故事書，有d故事幾吸引架，但妳要肯查字典囉，
咁妳先會明個故事講d乜。好睇既有，例如：Little woman
Q10。寫筆記，有時妳上堂d老師會將重點寫係黑板，妳就要抄下
妳要自己去分辨邊一個point係重點，就記下，多d睇。
Q11。溫習時間唔一定要長，但最緊要妳明白內容，溫到累，就休息一下，
咁大腦自可以休息，邊溫習邊做筆記or睇番妳抄既筆記，非常有幫助
Q12。上網唔一定唔好，但唔好掛住玩網上遊戲，如果妳怕電腦吸引妳
妳可以拔左條線，咁咪開唔到機囉！
又或者妳可以定一個時間，俾自己有少許時間上網，但時間一到，
妳就要主動去關機。再唔係，妳可以叫家人提點妳，等妳唔好掂部機。
不過，要睇自己有冇呢個忍耐喇～