去旅行有咩要準備?

去泰國準備D日常用品外,
你D衣著最好就穿得薄D,涼快D,最好穿D較透氣既衫吧,下身就穿短褲啦...
最好就帶埋個風扇仔吧...因為果度都既焗,冇咩風既..
最緊要帶埋靚靚既泳裝,好好亨受下好玩既水上活動同靚靚既陽光與海灘~
你最緊要就係電壓問題,THAILAND同HK係唔同既~
你要帶個扁平腳插頭去,如果唔係就差唔到電架喇~
同埋小心水肚不服,因為THAILAND既水質同HK唔同,
雖然唔係個個人都會,但小心d會好d, 又疴又嘔就煩啦.
導遊話有個好好既方法,就係用個樽裝一半既屋企飲果D水,到左泰國裝一半當地水,
溝左一起飲,之後就可以適應到架喇~~
玩得開心D啦~~~~

切勿在酒店浴室的水喉取自來水煲水黎飲, 一定要買超市/便利店的樽裝或紙包飲品OR酒店提供的免費樽裝飲品才可飲用. 因為泰國的水質好差, 有好多雜質, 如果你用一個透明玻璃杯裝一杯水然後擺放一會, 便會見到有D雜質沉底. 就算用酒店提供的水煲煲過都解決唔到水質的問題, 除非你帶埋過慮器去啦!

hi, 你第一次去泰國已經可以自由行唔洗跟團, 準備都好簡單首先買本泰好玩2007既書(商務或三聯都有),計劃定行程先如要去外島玩要更要預訂交通旅館, 係lee道講唔到太多介紹你睇條link 實幫到你架 http://www.thailandfans.com/second.html
我前2個月跟老細出trip然後留咗4日bangkok release好正又抵玩,我去之前都係睇lee條link做準備.介紹你去當地文華酒店食buffet真係好!好!好!好!正呀! 啊記住搭taxi要講定meter or fixed price如果唔係好蝕底. 我遅d都會再去玩, 你玩得開心d啦,good luck

你去邊?如果曼谷既話一定要睇住時間,塞車問題非常嚴重. 過馬路都要小心,d交通燈整黎裝飾架咋.
有d泳灘擺左d沙灘椅係度,有部分係要俾錢先可以坐架,留意
有人會係遊客區偷影你相,跟住整到靚靚地嗌你買. 佢地好識搵遊客錢.
同埋..唔好踩親泰王條尾,泰國人對呢樣野好敏感