手指短可唔可以彈結他?

絕對無問題的！本身手指同你差唔多長，
我彈左結他 5 年，仲有教結他，
手指短對某 d 人黎講玩樂器的話，會比較唔著數，
但只要你換個角度睇，手指短有手指短既彈法，唔洗太介意既。

十幾歲學樂器都唔係問題，音樂係唔應該有年齡介別既，
琴行、私人，大把都可以比你去學！

玩樂器其實最重要既唔係手指，
如果係結他既話有分三種：
古典結他、民謠結他、電結他
古典結他琴頸比較闊，手指短禁chord可能會難d，
民謠同電結他琴頸窄d會好d。
結他如果禁唔到chord通常唔係因為手指短，而係唔夠力，練多d就得

至於鋼琴，一般歌曲最多只係需要禁八度，
D細路仔手指咁短都彈到啦，
你去琴行試下擘唔擘到八度就知，
如果差少少既話練多d手指鬆d，應該就會禁到

學樂器梗係最好去琴行學，
去d modern d既琴行(例如柏斯)，通常d學生都係十幾歲倒，
有鋼琴、古典結他、民謠結他等等既course，同埋老師唔會教錯。
如果學電結他就可以搵studio，咁最好有朋友介紹，師資有保證先好去。
想自學都可以，有好多書由睇譜開始教起，包學得識，
不過容易學壞手勢，到時想改都好難，最好都係跟老師學幾堂先。

幾多歲開始學其實唔重要，
好多musician都唔係細個開始學架啦，
尤其係電結他，邊會有人七、八歲走去學，
所以只要肯練就一定得。