沙灘睇日出一問'

介紹你去下西貢銀線灣 (好近將軍澳o個個)
有燒烤爐有沙灘有洗手間

交通: 沙田坐299去到西貢總站 跟住轉101m小巴(去坑口地鐵站既)
你可以o係西貢西貢苑百佳(鄧肇堅運動場對面) ,西貢街市或者燒烤用品店轉幾個圈
買齊bbq食物再坐車去銀線灣 101小巴總站o係巴士站公廁後面既西貢海濱公園
上車同司機講話o係銀線灣路口落車 或者 開到去舊tvb電視城就叫銀線灣路口有落
落車後沿銀線灣路(好斜) 落去沙灘 都唔係好遠既...

呢度好處係佢既正東面係無際大海 日出應該幾靚
佢係全港最近地鐵站既沙灘 打的過去坑口站唔跳錶
走o個陣行上條斜路去等車會好裸命 所以建議你可以打的過去將軍澳東港城新都城行下
如果沙灘度冇地士 打電話叫車一般5分鐘內就到(因為好快就到將軍澳)