乒乓球橫拍技巧

抽波出界或者落網好大可能係同姿態唔穏定有關.
正手的話唔好俾手肘同手腕亂郁,手肘最好成九十度角,盡量靠轉腰帶動手臂向前揮拍,拍面應成45度角左右,千萬不要向外,否則會出界,另外係擊球時間,太早容易落網,讓球稍稍出枱才打不遲,同埋唔好靠感覺揮拍,最好瞄一瞄個波先打.
反手方面,為咗要增加穏定性,最好避免在身外揮拍,應從肚臍位向前揮拍.太側的波用腳步就.
最後如果唔夠時間做啱正確姿態,就唔好發大力,要先求穏,用角度先控制住局勢等待機會.
打上旋成日打唔中波係太着意要磨個波,其實可以稍稍食深小小的,只要唔好企咁前發球就得,當然擊球時間要自己摸索下.

2007-10-24 21:10:06 補充：
食深個波小小即係唔好太刻意淨係用膠皮磨個波,小小撞個波就冇咁易打失.出個波又高又慢可能係擊球角度有問題,個波唔可以太直角打落枱,要斜向前個波先會沖,驚出界可以後小小開波.