有冇人跟過關鍵去旅行? 係咪真係咁差?

從各方面分析…
人~其實間間旅行社都係用差唔多的導遊公司，而D導遊人工係一樣，D領隊成日轉公司，所以都係同一班人，睇你好唔好彩，一般豪華團或人數多的團會派質數好D的工作人員
江湖地位~依每地方的出團率來計算，關鍵在北京地位最高(因為已入股北辰關鍵)，其次係泰國、張家界、九湊溝、雲南等……同一道理如果日本當然跟Egl，埃及就縱橫遊等
自己經驗~次次跟關鍵都滿意，酒店都係旺區，尤其泰國，團費在旺季加幅又唔算大；
跟永安去過華東和廣東省，D洒店好偏，個導遊日頭帶你去明珠塔，到夜晚逼你去多次，不過要加錢，除非你唔落車
康泰D團費包含了廣告費和港姐旅遊費，仲有旺季驚人加幅，我就覺好唔抵
Egl就一分錢一分貨，各方面都好，不過規定了領隊做好多over service，我就覺得好煩&好假
中旅D人做又36唔做又36，D車、膳食和酒店都麻麻，唯一好處就會老實地講出各團唔好玩嘅地方，例如我問D職員/領隊1.哈爾賓好玩嗎?凍鬼死你呀! 2.去絲路好嗎?又熱又辛苦
3. 澳門住金龍好嗎?好多雞，我最憎，住京澳啦，我地公司嫁 4我跟珠海團，個領隊係嫁車度話珠海唔好玩，後來係酒店我見到領隊導遊鬧交，但我覺得個導遊好好人，而個領隊好串~通常我只會入中旅問野，而唔會報團
綜合而言，要判斷一間旅行社好唔好，係睇你的要求+跟咩團+彩數

2007-10-20 14:20:22 補充：
司機方面，部份關鍵中國線有兩個司機，但小費一樣

我年幾前跟過關鍵去d國內2天團去番禺果d囉~
食野住宿都無咩野既...始終團費平無得要求咁多...一分錢一分貨嘛
但係個香港女領隊就唔多ok囉~
著住條瀨屎褲...話哂你係返工...
唔著公司衫都算啦...但起碼要端莊d囉
可能佢比較後生啦...唔係咁識照顧人囉...
去到d手信鋪就淨係識得自己坐係度試食鋪頭d野食....
同埋淨係識得同d後生仔(團友)吹水...煲煙...其他人就唔係點理..
都唔知佢返工定溝仔..
仲有個內地導遊都唔好得幾多...
講野超級唔正...令人聽得好辛苦...
可能佢係中年女人啦~問佢有咩地方好玩...
佢又唔係好識介紹囉~
不過我就唔知你去邊到旅行囉....或者佢地(關鍵)其他團無咁差既~
但我跟過康泰去台灣...個當地導遊都幾識搞氣氛...個領隊都ok啦~
同埋我跟過東瀛遊去泰國....服務好好囉~個領隊好盡心盡力

真係咁差.
我跟團出外廿次以上都有, 但跟二次關鍵都係唔掂囉.
正所謂 一分錢一分貨.
你貪平跟呢d公司, 出到外面又無江湖地位.
司機人工低就自然要做多幾個鐘, 眼訓就必然, 撞埋山都好容易.
導遊人工平, 心情唔靚, 比你地d賣豬仔嘅 , 又點會好服務呢.

见人见智，不过你一定要买旅行保险。