新手之基金組合

以月供型式買基金作長線投資,係明智既做法.問題係要考慮到如果長線的話,基金上一定會有作出調配改動既可能性.所以我會咁諗:第一:基金選擇多定少;第二:個plan加基金加得快唔快(即市面上有新既基金出現時,會唔會好快喺個plan入面出現以供選擇);第三:到時fund switching or redirection既收費.呢d都可能影響你既回報.一般保險公司或銀行可供選擇既plan既基金都係二三十隻,如果可以喺呢二三十隻入面揀到啱你心水既基金而又可以俾你作長線投資,我唯有寫個服字.

香港身為國際金融中心,市面上其實有好多金融機構提供五花八門既儲蓄或投資工具,包括經常接觸到既三大金融行業: 銀行,保險公司,以及IFA(Independent Financial Advisor,即獨立理財顧問公司).

無論銀行又好,保險公司又好,佢地都有自己既儲蓄產品供你選擇.但邊樣最適合你,你未必會知.正如你去買運動鞋,去到Adidas專門店,啲sales會話佢地d鞋幾好幾靚,去Nike專門店,佢地會話d鞋幾新幾正,但係你去運動家or馬拉松,有齊Adidas,Nike,Puma,New Balance...etc 咁多牌子款式你揀,咁你係咪可以揀到最啱你心水既款式,牌子以及價錢既鞋呀? 講個咁既比喻,無非想帶出上面所提到既IFA既角色,佢地就似運動家or馬拉松一樣,角色中立,冇自己既產品,但係市面上大部份(~90%)既金融產品你都可以搵得到.提供左一個平台你去"試衫同試鞋".最直接同簡單就當然係consult佢地d獨立理財顧問,佢地對呢方面熟悉及專業,最緊要係free of charge~問下又何妨.

賣花讚花香,IFA角色中立.透過同你既會面,了解左你個人情況,知你有咩需求,從而幫你選擇最fit你既產品.就算嗰d冇門市部既金融機構如Zurich or Aviva既產品你都可以搵得到,而且基金選擇通常都係七八十隻以上,變相你既選擇係多左,自由度亦大左.

不過,有一點要提醒你,就係揀IFA consultant都要小心,因為同保險經紀一樣,佢地會負責跟進你張單.所以無論係喺責任感或專業知識方面,都要作出謹慎選擇.

中華威力係一隻好基金, 但佢的表現遜於同組別 "中國股票組別" 的基金
如果 MPF 用 宏利, 你揀 中華威力 係上上之選, 但唔係 MPF 的話, 就咁供就唔建議, 有好多比佢做得出色的基金

另外月供用緊成本平均法, 再睇埋自己年紀丫, 年青 D 可以進取 D, 唔需要揀太多隻基金.
銀行係一隻一隻咁買, 所以你供的話, 可能要分開供幾隻.
保險或者 IFA 就一個組合咁供, 一個組合裡面可以有多過一隻, 有人會鍾意咁樣

建議你考慮短期狀況的同時, 亦都要考慮中長線會發生的情況, 最普遍就係中間轉換基金所需要的費用, 都唔會供同一隻基金永遠唔轉, 到你儲到咁上下錢轉一次 D 手續費都幾多架

據經驗, 銀行一般你買完就唔理你, 除非你主動搵佢, 或者你買百幾萬就會理你. 想有多 d service 同 意見參考下的話, 就非保險或者 IFA 莫屬 ( 不過都係視乎你揀的 人選 )

yah_wong