隻牙穿左個洞..救命

我以前係做牙醫助護的,希望我可以幫到你。

1.補牙 ,如果可以補得到的話(意思蛀得唔深,未到牙神經發痛出血時),
一般情況補牙只會有少少感覺,唔會話痛到要死,同埋有木人會有少少怕d牙科用的機器聲。
價錢大約 $300-500左右,視乎蛀牙大少同地區的醫生。時間:幾個字完成

2.另一個情況,如果無法去補牙的(意思蛀得太深,己經到左牙神經發哂痛,蛀到出血同有大孔)
就要做"杜牙根" 一般都要分三次至五次左右完成,每隔一個星期去見醫生一次,
要清埋你蛀到壞死的牙神經管,要好花時間同心機, 其間醫生會用臨時補料作補牙,
方便隔一星期後換藥,期間你一定唔可以食香口膠,硬的食物,因為蛀得大深,大力咬野會咬爆牙。 蛀到已經到神經好痛,治療時會要打麻醉藥,就唔會痛。
時間: 幾個星期一次 ; 價錢會貴 : 1500-2500 左右 專科會再貴,
做完醫生幫返補左個牙,但都會再建議返你做一隻牙套去保護你牙齒因為蛀得太深容易咬爆。

3. 如果最壞情況,蛀到深深到救唔到,死哂爆哂, 就要脫牙 $ 300 至800左右。
智慧齒就要再貴好多。

所以唔好話因為怕而唔去理,輕微就快d 去補左隻牙,
冇左隻牙到時就好慘又食唔到野,如果種返一隻牙過$萬呀!!!!

蛀牙唔一定會睇到冇孔, 有時會係牙齒同牙齒(牙縫) 之間架,
唔可以用肉眼睇,因為我地係會同好專業的 牙齒用細微的X-RAY (X - 光)去睇牙同牙有冇蛀牙。

你feel倒痛重要有穿左個洞都應該係蛀牙架喇...
重要係蛀到落牙根(牙髓)...
要治療多數都係要杜牙根架喇~
蛀牙唔一定係黑色架~
如果隻牙望落去比較淺色, 敲落去有空心(要用牙醫工具)既感覺都應該係蛀牙...
蛀牙唔痛既話都有機會補既(只係有機會), 但係你既情況就唔樂觀喇...
補牙痛唔痛都係主觀既感覺黎架jei, 我試過杜牙根喇, 亦將要再杜... 我反而覺得洗牙重痛...
補牙既由百幾到四百幾都有, 越出名就越貴囉~
杜牙根就每一隻過千咁計架喇~
有人話上大陸平d喎, 但係我就冇乜信心喇...
如果你讀緊中小學就睇下有冇牙科保健啦~
大學生就去大學既牙科保健中心啦~
平過在職人仕既收費架(起碼一半)~
唔理佢就會一路痛囉~ 睇下你受唔受得住喇, 因為佢唔會好似傷風感冒咁會"自動好返"架~
最緊要係快d去睇牙醫啦~

如果你隻牙穿左個洞的話..如果係穿左入面的話...
咁你就要小心d喇...應該唔係蛀牙...
補個時唔係好痛架咋..d人會幫你打一d野令你唔覺得痛.
間間野既$都唔同...不過都要成1500-2000

2007-10-19 13:58:11 補充：
仲有呀..唔好唔理佢...一定要補返,,如果唔係隻牙可能會脫