我係唔係可以放棄?

你應該放棄。

香港有好多人話女仔現實，但我係男仔，我可以話男仔喺愛情呢方面比女仔仲現實，鐘意就鐘意，睇唔上眼嘅就算你為佢犠牲性命，佢最多內疚，但都依然係唔鐘意你，唔似得女仔咁會因為個男仔為自己做左啲乜野甚至有時因為個男仔送左啲乜野野俾自己而感動。

你話佢一直對你所做嘅主動都冇乜積極回應，因為佢壓根兒就提唔起勁回應。你諗吓，而家社會主流仍然係男追女，如果個男仔對個女仔有意思，絞盡腦汁，搵諸多借口去接近個女仔都尚且嚟唔切，又點會個女仔主動親近自己，自己都愛理不理？咁好明顯，係個男仔真係對個女仔冇意思。

正如我上面所講，無論個女仔做乜，個男仔都唔會因此而感動，所以你再等落去都係浪費時間。

你問會唔會有一日成功，我係男仔而且有一定愛情經驗，我用自身感受話俾你聽，就算有咁嘅一日，都係因為個男仔太寂寞，例如，啱啱俾女友飛，又或者長時間都追求失敗，已好耐冇拖拍，喺呢啲情況，個男仔為左填補心靈空虛，可能會諗吓搵個過去暗戀過自己但自己冇接受嘅女仔嚟填補一下，咁到時你咪可能會有機做佢女友。但即使係咁，佢同你拍拖後，在enjoy過有女友陪去街、陪上床嘅滋味後，好快，例如幾星期後，又會重新諗到眼前嘅女友都係唔係自己心裡面嗰杯茶，好大機會會同個女友提出分手。你唔好諗住可以有機會拍拖就有機會改變個男仔對你嘅印象，由於男仔揀女友比女仔揀男友更主觀、更現實，既然咁耐都對個女仔冇表示，就即係心底已下定論個女仔係唔啱自己，就算如上述理由真係有一日試吓同個女仔拍拖，最後都係會飛左個女仔(縱使期間個男仔有盡力去接受)，都時你做嗰個女仔會好hurt。

我唔會好肯定咁叫你放棄，你未必同佢絕對冇可能，但係我覺得可能性
真係較少，可能得2，3成左右咖炸，如果你唔怕失敗，可以唔放棄,但我
就會放棄啦。
(1)個男仔一口拒絕左，有兩種情況:
1.如果佢係個d大男人，好鬼死要面個d呢
係佢死要面，有d驚你地係玩緊佢，一唔係就係驚佢自己又認有興趣，之後
又唔知自己同你會點，唔知認左之後佢下一步應該要點做.....可以話佢怕羞
咖(不過睇佢之後ge反應，呢個情況ge可能性幾低)
2.佢應該好仔，唔鍾意你....就一口拒絕你...唔想左住你，同埋佢之前同你出街
應該係睇下同你有冇機會發展，(如果係咁，我諗你個人個樣都唔會話差，起
碼都你都係ok個d)不過可能真係冇feel，佢就覺得做返fdfd好d啦,不過講真阿..
你之後如果又係咁叫佢ge，佢真係8成都會覺得你煩，佢重要真唔so你....
但係我覺得佢都唔會係hurt人hurt得好勁個d人，佢都會理下你ge感受，
佢對係算係咁咖啦，我就覺得可能放棄好似好d咁lo...

如果我再係佢身上做事，我係唔係好白痴？
呢個又未必，話哂你又咁鍾意佢.....而家可能人地睇就好白痴。
但其實就算冇結果，你有努力過，無論過程係點，都係一件值得
去回憶ge事，你第日諗返，細個女個時做過呢d事，可能覺得自己
傻，但你個心都可能有樣野可以回憶返，細個單純去愛人ge心情，
就會可能好開心。同埋都可以令你更珍惜你身邊最愛你個個=]

係唔係放棄依個問題就係你自己選擇

不過我可以俾d 意見你

你再係佢身上做野, 你唔會好白痴

你覺得值, 你覺得無問題, 又煩到他人, 就得

佢既反應好明顯表明就係唔係太想發展下去

佢都幾好既表示 , 一口拒絕係件好事

唔會拖拖拉拉

你可以選擇堅持

但有時真係要好客觀咁睇整件事

我知道既資料唔係太多

如果想再聊多d , 可add msn , [email protected]

祝你幸福

可能佢真係唔想同你一齊,,但唔想直接同你講hurt到你

比著我都會拖住你先,,等你放棄,,唔係潑你冷水,,..