yahoo! YM???

http://hk.messenger.yahoo.com/webmessengerpromo.php
首先下載個軟件
跟住用yahoo的id登入
入到佢便會自動操作
（軟件的設定可以自己整整）

講真，你咁多問題真係好難答你，我都係新手，我諗從抽新股開始會比較易入手，一黎新股出場，有好多介紹，入場費通常幾千就得，睇你好唔好彩，抽到隻好野，就真係本少利大，因為佢新，損手機會細啲，就算跌破招股價都唔會好傷。如果升得慢你最多放佢一邊。以上次一隻新股「新疆新鑫礦業」為例，招股價6.5，但掛牌當日就賺左一倍，當然唔係隻隻咁好搵﹗你可以睇下網上討論區，好多人都會講邊隻值得抽。

如果掛左牌既股，你要留意佢既走勢，可以去yahoo財經搵下，當然呢啲真係要慢慢學習，唔好買啲毫股，即係公司細細，分分鐘領野。銀行股其實就穩陣啲囉﹗呢輪升得高跌得快，但佢地係實力股，始終唔會太過。好心提多句，啲人成日話會有泡沫，所以，如果唔想損手，又想玩下，都係抽下新股試下先。

你問升幾先幾毫，舉例，386中國石化，琴日最高係13.4，開市之後一路跌，最後去到12.26，如果你响12.5入貨﹙一手係2000股﹚，咁你話啦，賺左定蝕左﹖自己計下﹗