剛剛報左德天4天的巴士團.. 有咩要注要架.. 車程幾耐呀?!

今年三月我跟關鍵去德天大大瀑布四天巴士團的
係四天旅程入面, 第一天係最辛苦, 因為由早上坐車坐到夜晚
{果日塞車}, 夜晚9點幾先至去到南寧食晚飯. 由深圳出發, 去
到南寧, 車程大約11個鐘頭左右{唔計塞車}, 中途每逢有加油
站, 都會有幾個字時間落車去下廁所, 伸展一下. 你可帶定頸枕
, 帶D小說去睇, 車上都會播電影, 水同乾糧不可缺少的.
第二日仲要坐大約4個鐘頭車, 先至到德天大瀑布. 去完瀑布後,
領隊同導遊會不停游說D團友, 自費參與明仕田園, 無記錯, 應該
係100蚊, 我自己就無參與. D團友去完之後講, 明仕田園無咩特
別, 只係坐竹筏去睇無線劇酒是古鄉醇拍攝場地, 但沿途風光就
好靚. 唔參與自費的團友, 就要係車上等一個鐘頭了.
回程時候, 車程就唔會覺得太耐, 因為旅程第三日已經開始遂步
回程了


圖片參考：http://hk.yimg.com/i/icon/16/1.gif

去德天真係成日坐車........
辛苦d....但沿途可以訓下或者睇下景
一定要帶頸枕,訓得舒服d,
另外車程咁長最好帶埋拖鞋, 響車度隻腳舒服d,
仲有最好帶定乾糧

我舊年去過德天，德天在廣西省西部，車程真係好長，可以說是每天一個景點，甚餘都是坐車，建議帶個頸枕。明仕田園我冇去過，不過睇電視旅遊節目都係好靚，明仕係德天另一方向，到時導遊就會氹到你哋去！