浴室天花牆皮剝落

據你所述的清况, 好可能是你褸上厠所的供水或排水設施有滲漏, 導致天花內的鋼根生銹, 迫爆啲批盪, 你可以詳細觀察天花有冇水漬, 若有就要同法團或管理公司接觸, 等佢地同樓上交涉揾師傅維修, 若滲漏末止你做任何修補都無濟於事, 發現有鹽結晶表示滲漏的是咸水.厠所浴室是潮濕的地方, 不宜擺太多什物, 潮濕會容易令物件發霉腐爛, 滋生蟲蟻, 不合衛生.你要將滲漏問解決後, 才可叫裝修師傅幫你修補天花. 希望幫到你, 祝 : 生活如意！

我屋企現在裝修, 廁所都有此問題, 但我會裝白鋁片假天花. 想問天花已剷底, 生銹的鋼筋位置已刷去銹漬及油防潮油後, 還有什麼要做呢? e.g. 批英泥遮蓋鋼筋 (美觀又可預防再生銹) , 油乳膠漆防潮, 等等

謝謝

你快d搵人裝修下啦..我介紹個網俾你呀..有好多幾好既裝修公司稼...你上去睇下呀..\
http://hk.88db.com/hk/Services/Ad.listing/household/Renovation/?Q=&O=post&CatID=1018&SubCatID=1519&Image=1

厠所是一個很潮濕的地方, 因為浴室關門後基本上是密封的, 加上你沖涼時, 所產生的大量水蒸氣, 令室溫有所變化溫度上升, 就會形成水份, 導至天花及牆壁濕淋淋, 雖然開抽氣扇可以抽走了部份水蒸氣, 令室溫變化無咁大, 溫度就唔會上升咁多, 濕氣就無咁重, 但年月後天花板的灰層及漆油都會脫落, 所以安裝鋁質假天花是一個很好的選擇, 因鋁質假天花是不會生秀及脫落的, 現時的鋁質假天花的造價約為$1,500元, 最少可以用十年八載, 用舊了又可以清洗都可以說是一勞永日.
重鋪天花批盪之施工程序如下 :
1. 先將灰底剷除 (用化白水加入淸水塗上天花就容鏟走漆油)

2. 用光油油牆身一次

3. 批灰2次

4. 用180號沙紙打磨平滑及淸理乾淨
5. 油啞白底漆一次

6. 油面油2-3次便可
防潮底漆 :
司拿分為水性及油性兩類, 以油司拿較佳.

水司拿是用水稀釋.

油司拿是用松節水稀釋.

光油是用松節水稀釋, 一般裝修工程都是用光油的, 因用途比司拿多.
灰料比例如下 :
菜膠35%, 福粉55%, 石膏粉5%, 光油或白膠漿5%.

搓灰程序 :
1.先將菜膠加入光油或白膠漿攪合
2.加入8成福粉攪合
3.再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
牆之寶係已經溝好晒, 即開即用, 非常方便, 是以每包為單位, 用幾多就買幾多.
你亦可以到五金鋪買石膏粉灰或平底漿, 都係 即開即用, 非常方便, 份量較多.視乎需要而定.
啞白底漆 :
啞白底漆比例: 70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!