算第一份正式工作係 sales
我做到今年4月就冇做到~
因為我夜晚有進修,所以一心轉做文職方便讀書
但係就搵黎搵去都搵唔到
所以中間做過一兩份兼職~但係都做唔長 ~
到 8 月 , 終於有間幼稚園請我番去做文員
仲要係屋企樓下 , 唔係高人工..$ 6000 ~但係因為我住東涌 , 車錢都慳唔少
又就到我讀書~都幾開心.....點知做左一個月...俾人炒左....
好喇,,,隔左兩日又有第二間公司請左我...6500~但係就係銅鑼灣..咁我又唔想冇收入...所以就做左呢份工~不過車錢一日來回都差唔多60
仲未計自己食飯個餐....真係好貴
而且係一間小型地產公司 , 得4個人...做左之後..我先發覺對地產一d興趣都冇...
又要咁遠...已經冇心機做....
我而家辭唔辭職好,,快d辭職搵過份岩自己..定係一路做落去好...
其實我考慮唔辭職既原因只有一個,,就係唔想冇收入..但係又真係唔想做
二來又覺得自己好似好唔成熟咁..份份工都唔長...唉..覺得自己好煩...
更新1:
我...當然冇仔女...
更新2:
-------------------------- 唉..但係我覺得自己唔成熟... 但係如果做住先...想見工又冇時間... 我覺得起碼見幾份...需要一定既時間...冇理由下下請假去見工....
更新3:
我都係咁諗....所以先一心搵文職 不過我得中五畢業..所以唔同你讀到大學 而家我夜晚讀緊日文~係我興趣~所以都幾有心機讀 但係家庭問題...需要半工讀....所以唔想冇收入...
更新4:
我目標想去日本留學架~ 不過對我黎講就難左少少~ 要自己工作草錢去~都唔係一朝一夕既事 更何況而家係HK學緊日文..已經要交唔少既學費 所以我先煩惱緊辭唔辭職... 辭左職..又冇收入... 唔辭職..份工自己又冇興趣車錢又貴 我都唔知點~