儲錢, 每月可供1-2千

儲錢其實有好多方法,擺喺銀行做定期又得,儲蓄保險又得,買債券或外滙又得,甚至攞嚟投資又得,其實目的都只係一個----資金滾存及增值!

香港身為國際金融中心,市面上其實有好多金融機構提供五花百門既儲蓄或投資工具,包括經常接觸到既三大金融行業: 銀行,保險公司,以及IFA(Independen Financial Advisor,即獨立理財顧問公司).

我個人認為,要儲錢,首先係要有個目標(買車,買樓,結婚,退休用?),儲幾多,用咩方式儲(月供定係整付),儲幾耐,最重要既係呢筆錢儲嚟既用途係乜.知道儲錢既目的,大概知道要儲幾多,先至可以辨別到用咩方法或工具去儲錢係最快同最有效.

無論銀行又好,保險公司又好,佢地都有自己既儲蓄產品供你選擇.但邊樣最適合你,你未必會知.正如你去買運動鞋,去到Adidas專門店,啲sales會話佢地d鞋幾好幾靚,去Nike專門店,佢地會話d鞋幾新幾正,但係你去運動家or馬拉松,有齊Adidas,Nike,Puma,New Balance...etc 咁多牌子款式你揀,咁你係咪可以揀到最啱你心水既款式,牌子以及價錢既鞋呀? 講個咁既比喻,無非想帶出上面所提到既IFA既角色,佢地就似運動家or馬拉松一樣,冇自己既產品,但係市面上大部份(~90%)既金融產品你都可以搵得到.提供左一個平台你去"試衫同試鞋".最直接同簡單就當然係consult佢地d獨立理財顧問,佢地對呢方面好熟悉,又專業,最緊要係free of charge呀嘛~問下又冇壞既,何樂而不為呢?!

回應番你既問題,如果要月供1-2千元,只儲2-3年,要有可觀回報,咁呢筆錢儲完後你會點用?有咩目的?幾多%既年回報對你而言先叫可觀? 粗略計算下,如果月供2千,儲三年,年回報率假設為10%,三年後你會有$87384. 但是否之後會再由頭儲過?咁咪浪費左之前嗰三年既時間值囉?唔想供十幾年,我諗你係驚筆錢被鎖住或者儲唔到咁耐.其實你只要搵到個彈性大既儲蓄計劃就可以消除呢個煩惱.試問個雪球喺山腰大d,定係山腳大D呢?唔滾到落山腳,又點變大雪球?

我接觸過好多香港人,個個都係月清族,今朝有酒今朝醉.其實人生有好多階段需要用到錢,需要計劃,而唔係見步行步.
好慶幸你有儲錢既心^^我建議你趁儲錢團火未熄,及早為餘下既每個階段作出打算及計劃.
希望以上資料可以幫到你. Good Luck!

可考慮月供以下一至兩隻ETF
2800(盈富基金)
2828(恆生H股)
2838(恆生中國25)
2823(新華富時A50)
唔駛自己揀股
未來兩三年應有不錯表現

2007-10-17 16:24:51 補充：
2828是H股 (恒生中國企業指數)http://www.hangseng.com/hsb/chi/per/invs/pdf2/2828interim06.pdf持股清單在第4頁2838是A股 (新華富時中國25指數)http://www.hangseng.com/hsb/chi/per/invs/pdf2/2838interim06.pdf持股清單在第4頁2823是A股 (新華富時中國A50指數)http://www.ishares.com.hk/pdf/E_AnnualReportFinal.pdf持股清單在第46頁

唔...... 你都是月供吧.... 做零存整富吧
因供基金通常供長一點時間會穩定一d....
但如你已有一筆錢....
可以買基金...
因通常都係hold你3-4年左右就可以有錢返.....
我之前都買過.....
本金3萬5....擺了3年....
收手都有得回都有4萬5左右
3年多1萬... 我覺得都ok呀
我買富達基金的..... 比較中度風險...
不是很高那種.... 半年前才放的
即2003年中買的