小狗換牙問題

你依家要留意下佢換牙0既情況,因為有d狗狗0既bb牙係真係唔會甩,獸醫話因為宜家d狗狗營養太好,所以連乳齒都好堅固.
依家你可以買d膠骨頭,麥條或者潔齒骨俾佢咬下,等佢d bb牙可以易甩d.到8-9個月大時,你要睇下佢係咪真係生兩排牙仔,係0既話就真係要帶佢去睇醫生,一定要脫0左d乳齒,如果唔係佢咬合得唔好食0野會有問題,同埋對牙齒健康唔好.

我有個朋友隻狗就係咁,生兩排牙,好似鯊魚咁,最後都要脫牙啦!

2007-10-18 16:36:00 補充：
唔記得講,bb牙同恆齒0既分別係,bb牙會尖d,幼d,細隻d.恆齒係圓d鈍d同埋大隻d.一睇就分得出0架!仲有呀,最好唔好自己幫佢脫啦,脫得唔好,脫0左隻牙或者流得太多血時就慘喇!

首先要睇你隻係咩狗,一般大種狗都會自己咬野既時候甩牙,細種狗就可能有機會甩唔到要幫佢脫,又可能咬到太硬既野牙仔會斷開牙根仲未甩出黎(呢個機會細d),如果牙根未甩就好難生可能要做手術,所以你最好睇下狗仔有無生番新牙出黎先,其實都可以拎d野幫一幫佢,我就殘忍d拎左隻銀厄圈住佢隻牙一拉就出(當然係隻牙鬆鬆地先好咁做啦||||)但如果唔放心當然係睇獸醫啦~

2007-10-17 20:27:49 補充：
記得都係要比玩具佢咬,等佢易d甩出黎~有d狗可能牙仔早左甩,一般都可能睇2個星期到先見到佢有無牙出

我屋企都有狗狗試過　一隻牙仔位有兩隻牙
一隻新出　一隻舊但未甩　我開頭都怕佢咁落去會令牙仔走位 唔齊
不過最終都係冇事 當佢新出果隻大到一定程度 舊果隻其實自然會甩
而家我隻狗狗d牙都好齊好靚咖 我記得有一排佢成日好似食緊野咁
個咀仔整黎整去 用條利頂黎頂去 因為新出牙仔同舊牙仔既問題
令佢覺得唔舒服 所以係咁搞隻舊牙仔 之後比佢自己整甩左
其實我地唔需要特登去幫佢整甩隻牙 佢自己真係會自己搞得掂
唔使太擔心

我隻狗仔都係咁，唔洗理佢ge~自己會生ga ma~我隻狗仔都係岩岩甩完牙，比d 玩具比佢咬下，等佢d 牙仔容易甩d lo~唔洗擔心ge~，如果過多兩個完仲係咁先帶佢去睇醫生la~~(不過都無咩可能)......