YOKI SIR，請幫忙指導，謝謝

本人之前曾經持有該股，現價的浩倫（１０７３），如果公司是沒有隱藏一些大家都不知道的利淡因素，現水平是絕對值得入得過！

但本人仍然未買到佢，原因是本人的主力尚在比較穩定，而又不太跑輸（相比發左顛的某幾隻計）其實又跑贏大市好多（唔以那幾隻顛左計）的招商中國基金（１３３）及會一部份中線，一部份是超長線持有的安德利果汁（８２５９）！

而近日，開始慢慢收緊北京發展（１５４），只是收貨階段中，至於浩倫（１０７３），現價當然是好位，看其ＭＡＣＤ的走勢，已知此股明顯是轉緊勢，ＭＡＣＤ已開始由熊區轉向牛區，祗是很多人冇發覺！

問題是每人的資金都是有限，在貨與貨比較之下，在價位比較之下，以機會成本排入貨的先後次序，以我的排列，暫時未輪到入浩倫（１０７３）！

北京發展（１５４），在我心目中是比閩信（２２２）高小小，原因是閩信（２２２）是折讓好大，而其持有的廈門國際銀行，亦有澳門及內地銀行概念，增長成績驕人，但可惜已升左！

北京發展（１５４）同閩信（２２２），基本上絕大部份時間都是叮噹馬頭，現時北京發展（１５４）只是４皮，而閩信（２２２）已是６皮！北京發展（１５４）以往亦略略跑贏招商中國基金（１３３）少少，但最近有人壓價，睇到我笑！

現價４皮左右，比到佢跌到盡都是見＄３．８，即是最多輸＄０．２，上望博６皮，即是＄０．２博２蚊，同剛剛買左隻〔有景〕差唔多賠率！

為何我說北京發展（１５４）是評分高過閩信（２２２）少少，甚至是好過安德利果汁（８２５９）呢？

原因是北京發展（１５４）的業務是極少受到經濟轉壞的影響，因為一卡通，有公用股的色彩，無論經濟好與壞，都要用一卡通，唔通香港經濟唔好，啲人唔用八達通咩？

安德利（８２５９）是佢本身的獨有行業風險，就是蘋果可以突然失收的！

閩信（２２２）的產能的增加速度是快唔過北京發展（１５４）的，而且閩信（２２２）的業務唔係獨市啊！閩信（２２２）是炒折讓大，升左即是代表折讓已經細左，價位已冇以前咁筍，以前簡直是大蚧乸隨街跳，但而家亦唔係代表佢唔值＄６皮！

北京發展（１５４）產能可以迅速增加，只要發一張卡，就可以多一個客，而且仲係獨市生意！

如果港交所（３８８）是獨市，佢又是獨市，價位差幾條街，唔駛問要邊隻啦！

最近北京發展（１５４）公佈業績，半了賺１．３１億，我好肯定下半年一定賺多過上半年，因為一卡通的人數，只會越來越多，越來越普及，唔會走回頭路！

當佢真係下半年同上半年一樣都是賺咁多，即全年是賺２．６２億，以北京發展（１５４）而家的市值２７億計，市盈率是１０倍左右！

以一間獨市，有增長，風險低又似食硬的業務（一卡通）１０倍是超筍，１５倍ＰＥ都唔算貴，如ＰＥ是１５倍，股價已是６皮！

我求臣拜佛最好佢唔好升，最好仲要跌多啲添，因為我都未入夠，都是同啲莊家一樣玩慢慢收！

因此，而家冇錢買浩倫（１０７３），暫時繼續盯實佢！而你持有他也無不錯，此股長線是向好的，除非有些事情原來大家都唔知，就唔夠膽包！看牌面，現時已可入得過，但對我來說，按機會成本去定先後次序，現時是未輪到佢！

YOKI WONG
圖片參考：http://hk.yimg.com/i/icon/16/1.gif