租屋有冇人知道邊到有平呀

你想要邊區 , 要咩嘢樓 ?

新界有好多村屋 , 2 房 2 廳或 3 房 2 廳都係 3000 - 4000 , 不過只有最基本的電熱水爐 , 抽氣扇及煮食爐

如果要九龍區 , 你可以去大角咀 , 深水埗 , 因為舊區而且唐樓 , 有好多合符你的價錢

其實 , 有好多包傢電的屋 , 都係業住想收貴租的藉口 , 好多時都係上一個租客搬走留低傢電 , 業住都無需俾錢買傢電 , 就可以成機同租客講 , 包傢電收貴 500 蚊租 !

你想真吓 , 嗰啲傢俱之前都唔知有咩嘢人用過 , 張床同梳化都唔知有咩嘢人瞓過坐過 , 如果你有皮膚敏感 , 又唔知之前嘅人有無養寵物 , 雪櫃洗衣機又唔知有無漏電 , 仲有呀 , 就因為包傢電而要每個月俾多幾百蚊租 , 你計吓 , 當每個月俾 500 蚊 , 你租一年 , 就俾咗 6000 蚊 , 你用 6000 去買過新嘅好過啦 !

2007-10-17 14:00:22 補充：
我半年前都租住天水圍村屋 , 2 房 2 廳 , 都係 2800 蚊 , 有接駁車去西鐵站 , 就算行去西鐵站都係 5 分鐘 , 行去輕鐵都係 3 分鐘 , 坐輕鐵出元朗 10 分鐘 , 坐輕鐵出屯門 20 分鐘 , 其實住天水圍都幾好 , 因為西鐵有月票 , 400 蚊成個月 , 任你坐西鐵,輕鐵同接駁車 , 計起來 , 你出街同返工嘅車費 , 分分鐘平過住九龍。

呢個價錢我諗要去到天水圍元朗先會有.
不過你地最好諗清楚, 唔係揸住5000就可以去租樓架,
要俾1個月按金, 1個月上期再加1個月租金,
連埋d雜費, 你地起碼要有兩萬幾蚊先租到.
一係上深圳租啦, 果邊3000有交易架啦,
不過計返車錢可能仲貴.