我要去澳門自由行，有幾個境點我想去的，但唔知去邊個先會方便路程，大家幫幫我吧。

5個鐘?都幾趕! 因為出關起碼半個鐘, 入關又半個鐘, 而且巿區又塞車........
首先你係關閘坐金沙車去威尼斯 (個到好大, 求其行下都要一個鐘, 睇住時間), 之後搭賭場車去金沙.(因為漁人碼頭係隔離), 落車係漁頭玩一陣, 半個鐘應該好夠, 買手信?無乜野好買架喎, 又貴!係個到食飯.........都好貴架!
之後撘的士或者係漁頭租車 (澳門巿區好似30蚊, 呢個價都OK)去觀光塔(其實觀光塔有乜好睇?我覺得俾$70上樓睇風景都幾on 居, 佢有個自助餐, 係旋轉餐廳, 係睇風景既下一層, 200零蚊, 有得食, 有得睇, 不過你咁趕......), 跟住搭番的士去大三巴買手信, 然後行去新馬路搭車(你係巴士站等, 有巴士上巴士, 有的士上的士)去關閘入番拱北
你預每個景點半個鐘-45分鐘好啦, 因為巿區好塞車, 塞起車上黎好難講要幾多時間, 仲有喎, 好難搭的士架, 無乜車!
個行程咁趕...........我諗你cut咁樣好d, 例如觀光塔或者大三巴咁, 因為佢地坐落巿區, 尤其係大三巴, 你搭的士落車仲要行兩步. 搭番車出去, 要行到新馬路先有車, 仲要係好難先有架的士喎!