隻鼠仲有冇得救？

睇過片段,真係唔開心,睇到你既鼠好辛苦咁
便便濕晒痴住個patpat,而佢並唔係年老(年老則有第d處理方法),其實一定要盡快睇醫生先處理到,3日對鼠鼠唻講實在已經太耐了,唔敢亦唔想話100%冇得醫,最好帶佢睇醫生試下,雖然情況不太好,但唔睇醫生既話,就一定冇得醫
呢個情況,除左睇醫生,兩隻鼠分籠係好緊要,一定要盡快,唔係傳染左就慘了,分籠同時要將籠及用品消毒,可以用小動物消毒劑OR牙膏唻洗,同埋要同黑色既鼠沖涼(用沖涼粉),keep住要留意佢地既身體狀況

A.暫時既資料唻睇,我覺得你既鼠咁樣,有以下既可能,如你第隻鼠之後有呢d情況,可參考有冇相同之處再作處理,但一定要小心處理,因為分錯問題,十分嚴重:

濕尾症
濕尾症其實主要係因為壓力而做成,例如:有第隻鼠在一齊住,轉換環境,去到陌生既地方,受驚,戒奶期等等.科學實驗並未搵出濕尾症既原因,只係知道壓力會令鼠鼠既腸胃受到細菌感染
濕尾症係十分嚴重既疾病,自己係處理唔好,一定要盡快睇醫生處理既

特徵及處理方法:
1)濕尾症同肚瀉係好似,排泄物都係會較軟甚至液體咁,但濕尾症就會見到鼠鼠既尾成日都濕左,嚴重d既時候會發出惡臭添!
2)鼠鼠會唔係點食野,冇咩力咁
3)濕尾症可能會引起直腸脫出同埋脫水,兩樣都好危險,所以一有濕尾症就要盡快睇醫生,唔係就好易死.
4)濕尾症會傳染,患病期間一定要將鼠鼠隔離,鼠鼠既用品同籠都要清理得好,但怕打擾到鼠鼠令鼠鼠有壓力,所以3日左右洗一次籠就可以
如果鼠鼠死左,所有物品都要消毒晒,之後放多一星期左右先可以俾第隻鼠再用

肚瀉:
分辨肚瀉:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左,如果平日冇留意既話,就較用呢個方法難分,不過多數之前講既方法已可分到

肚瀉既要留意以下幾點:
1)買d止瀉藥加入水度俾佢飲
2)唔好食零食之類,蔬果更加唔可以食啦.可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既.
4)保持個籠衛生
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦

便泌
分辨便泌:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁既

便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)情況都冇改善(2日度啦),就必須睇獸醫處理

B.仲有以下事情我覺得好緊要,希望你可以留意返
(一)一籠一鼠
倉鼠本身係獨居動物,而熊仔鼠比其他品種既鼠更早會攻擊同類,就算打唔傷,都好可能有一隻蝦第隻既情況,特別係你都明顯地見到一隻大一隻細,受驚係好易誘發疾病,濕尾症就係其中一個好嚴重既脅

其實鼠鼠最好分籠,唔知你兩隻鼠係咪一男一女,如果係既話,繁殖鼠鼠又會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議 一籠一鼠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

(二)木糠問題
見到你第二張相既木糠部份係紅色,即係西洋杉木(cedar),已經有醫學報告指出呢隻木係會令鼠鼠易過敏,所以以後最好唔好再用
揀木糠既資料可參考以下我回答既知識:
http://hk.knowledge.yahoo.com/question/?qid=7007100103916

2007-10-17 16:28:05 補充：
我都覺得去大圍睇最好,忘了放資料上唻,同愛樂動物協會比雖然會貴d,但同其他私家比唔會貴太多既,其他鼠醫生資料可參考以下我回答既知識:http://hk.knowledge.yahoo.com/question/?qid=7007091500003

我之前d熊仔鼠都試過咁，第一個隻救得番既機會好微，你快d去帶佢地去睇醫生喇，因我見到佢地好辛苦，呢個醫生好好ka，但會貴囉，如果你有心救佢地，千萬不要去愛護動物協會佢地只會同你講冇得救叫你簽紙同佢安樂死(我試過了)-__-



TAI WAI SMALL ANIMAL & EXOTIC HOSPITAL 大圍珍禽異獸及寵物醫院
75 Chik Shun Street, Tai Wai, *****in, N.T.

Phone: 2687 1030
Fax: 26871077
Email: [email protected]

Opening Times:
7 DAYS
9am - 1pm
2pm - 8.30pm

PLEASE ~~~~~~~~~~~~~~~~~


Bring them to see a DOCTOR !!!!

sorry,冇得救.
看醫生可以救到第二隻

呢D最好就係問doctor~
不過「應該」冇得救~
我認為呀~唔好當真呀~