✔ 最佳答案
既然你俾隻手俾鼠鼠既時候佢會咬你,建議你唔好咁做,鼠鼠未必覺得你手指係食物,可能係驚or好奇先咬,就算你唔介意俾佢咬,都唔好嚇親鼠鼠呢
A.你一隻手指對鼠鼠唻講都好大隻,如果有第隻生物一隻手指都咁大咁樣放去你咀邊,都應該好驚吧?
就算同鼠鼠熟左我都唔太喜歡呢個動作,實在覺得易嚇親鼠鼠,鼠鼠一驚,本能反應當然係咬落去,我就係一d都唔怕俾鼠鼠咬,但最怕嚇遷鼠鼠or整親鼠鼠,我細個有一次俾鼠咬,我一縮,就將鼠鼠扯左落地,幸好鼠鼠冇事,但以為俾鼠咬都唔敢縮
唔知你隻鼠養左幾耐呢?相信唔係好耐先會話想同佢做朋友吧?但要明白,鼠鼠好細膽,唔可以太心急既,所以當你發現鼠鼠驚就唔好太強迫佢俾你摸or抱之類住啦
B.同鼠鼠熟我覺得俾鼠鼠認你既聲音好過氣味,除非你唔舒服把聲唔同左,唔係既話,聲既改變係會少過手既氣味,好似你洗完手會有洗手液既味,拎過鼠既野食又會有食物味等等,咁樣鼠鼠又點會好易認得呢?
同鼠鼠做朋友既方法
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱
C.如果你養耐左鼠鼠,同鼠鼠熟左都成日咬你既話,就可能有其他問題,咁就要留意了:
1.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.
2.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人
3.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以
4.你手有食物既氣味,鼠鼠有機會會誤以為係食物而咬落去
5.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬
6.懷孕既鼠都會特別精神緊張,從而成日咬人
最後一提,被鼠鼠咬到,雖然冇咩危險,但傷水一定要處理既,所以記得消毒同貼膠布呀
2007-10-17 16:29:59 補充：
唔係勉強鼠鼠就好啦,咁應該唔會嚇親鼠鼠,除非你被咬後反應好大啦正常鼠鼠唔知係咩,都會去聞下既,下次小心d了另多謝你既讚賞^^
