簡譜同五線譜

有沒有只彈簡譜很出色但又沒有好的傳统鋼琴底子...
我相信也是有的
我自己都係彈簡譜比五線譜好好多o既人
細細個考左二級琴試,就無再學classic 了
因為有機會o係教會做司琴, o係簡譜方面花了十幾年功夫了
我唔可以話自己彈得好好,但單本上已經足以應付

直接d 回答你o既問題
其實學彈chord 好多人都以為係好易o既事
因為覺得只要知道C=CEG, G=GBD 就夠
其實要彈Chord 彈得好...並不止於此
我以前都有教過人彈伴奏
一開始當然要知咩係chord
第二步就要知咩係chord progression
chord progression 直係C chord 可以彈 CEG/EGC/GEC
一路隻手轉chord 咁... 咁你就會聽出C chord 都有好多唔同o既dominant note
(其用法唔加以解釋啦)
第三步就用學一d 基本彈chord o既partten
第四步就要學好點彈個base
(好多人都忽略個base o既重要性,令到成首音樂做唔到好grand o既效果)
第五就fillin...
仲有好多好多....

要彈得一手好伴奏(彈chord) 的確唔容易
尤其對於學開classic o既朋友
因為佢地要重新建立彈chord o既概念
所以彈chord 易唔易, 都係見仁見智
而家方間都有好多書教人彈伴奏
會提供一d 所謂o既partten
唔單單只係指子上o既partten
佢仲會提供一d 小節,係broken chord 黎o既
等人知道點可以用o個3個音去彈到一段野出黎

這種彈琴方法稱為 chord style piano. 左手一直是彈 broken chords. 可以很機械化，也可以很靈活。在起初，來來去去你都是彈著那幾款指法，熟習了後，可以自己編時，就是靈活的時候了。chord, 配合正當指法，掌握拍子，堅持練習。就是這樣。
我也是小時候學傳統鋼琴的。長大後，愛上流行鋼琴。現在已荒廢了傳統方法，很懶，不想看左手音符。
以前的我也是看不起人家看簡譜，認為不是音樂。現在我明白了，甚麼都好，都只是記錄方法，能夠把音樂完整的記下來就是了。老實說，簡譜所能記下的，絕對不輸於五線譜。我現在覺得這種方法聰明。是不是中國人發明的？我就沒有見過洋人看簡譜了。
只懂看簡譜，而鋼琴彈得好的人，我相信有。
還有啊，先學電子琴的人，對 chords 很熟悉，也會很快成為流行鋼琴高手。我是先懂鋼琴，再學電子琴，也是很快上手。
祝你成功！

其實,你考左5級樂理唔代表d咩,樂理只係寫出黎,無得應用,你睇得明個譜,知個個係咩音,都可能係個琴度都唔知係邊
鋼琴,其實我認為睇簡譜真係唔好,因為你都學過樂理,應該知個音係咩位就係咩音,只係可能你唔知個位係邊
學琴你自學係唔得既,好多時你彈錯左自己又唔知,所以一定要抽時間去學,如果你真係對佢有興趣既話,你就一定會有少少時間去學,就算真係少少都無問題.
學琴唔關你年紀大唔大既事,係你心理覺得你自己唔得所以唔得,你只要有自信,真係去學,有錯唔好灰,唔好介意年紀...就會事半功倍啦!!

chord progression o既意思即係一連串chord o既進行，有一o的流行曲o既伴奏就係不停重複用幾個chord就已經可以伴奏晒成首歌，如果只係識某一o的chord progression，彈o既歌就會冇變化。見到你打o既問題，相信你對彈流行有一定o既要求，一o的簡單o既伴奏可能唔可以滿足到你。我好同意如果想流行曲彈得好必須要有傳統鋼琴底子，因為如果少左傳統鋼琴底子，彈o既伴奏可能就只會千篇一律、機械化，因為只係背左幾個chord progression去彈。
有五級樂理其實對彈琴作用唔太大，樂理只係增加你對音樂o既知識，明白一o的chord o既結構，至於practical方面就完全幫唔到，要彈得好只有靠練習。
如果你對彈流行曲有更高o既要求，睇五線譜只係最基本，伴奏想要有更多唔同o既變化，就要識得點去配chord。要識配chord就要學keyboard harmony，呢樣野係另一項專門知識，就算學到8級鋼琴，老師都唔會教你點去配chord，所以要學音樂，真係有無窮無盡o既野可以學。
我覺得學琴，無論係彈傳統鋼琴樂曲或流行曲都好，自學係唔work，因為好多時自己彈錯左都唔會知，至於自學配chord就更難。最好都係跟老師單對單學，通利o的流行曲班好多時都係成班人一齊學，導師冇辦法因材施教。如果真係冇時間學琴，同你個女女一齊練習都係一個唔錯o既方法。