BB已６個月大, 最近總是不吃奶和飲水?

我BB都係6個月,又係抗拒食奶(以前食奶無問題),所以我一日比一餐粥佢食,佢又好鍾意食粥,次次都成碗食晒,但要兩日左右要轉下味,例如今日瘦肉粥,聽日就煲魚粥,過兩日煲瘦肉南瓜粥等等...等佢冇咁容易厭,如果你BB又喜歡食粥,遲多少少可以食兩餐粥,早晚一支奶加下午茶(餅仔)就應該夠晒,至於唔肯飲水呢個問題,我地就會用冇針的針管,逐少逐少唧入佢口,起碼都飲倒D水,其實呢個做法都係針對D極不喜歡飲水既BB,正常當然最好用奶瓶餵啦!

bb唔會無端端唔飲奶和水, 有可能1.係佢作病, 我個女之前出玫瑰疹,都有唔飲奶和水 2.出牙時唔舒服,都會唔願飲奶,咁就俾d糊仔佢地食.
不過要多些留意,有沒有發燒生病或者看看牙肉有無出牙,或者你可以煲開奶茶俾bb,等佢開胃些.