如何避免蒸水蛋時會變蜜蜂窩?

其實睇你蒸咩類型的水蛋
蒸水蛋要蒸得香滑﹐秘訣便是不要讓水蒸氣進入「蛋汁」中﹐可以在盛蛋汁的碟子上舖一張保鮮紙或錫紙﹐或覆蓋一隻較大的碟子便成。

但我自己好多時就會用三至四隻雞蛋加一罐「史x生」嘅瑤柱上湯嚟蒸十分鐘再焗五分鐘，就算唔用保鮮紙都ok，當然唔可以成日揭起鑊蓋睇啦，啲倒汗水就會滴番落碟蛋架喇。

仲有呀，好多人會等水滾先放碟蛋汁入鑊，但係阿媽教落，其實應該一開始已經要放隻碟入鑊先，水滾後先將蛋汁倒入嗰隻預熱咗嘅碟裡面蒸，咁受熱就會平均啲，唔會表面嘅蛋老到皺晒皮，底嘅蛋仲未熟。

秘訣

秘訣一: 水的份量－份量的蛋要加上同等份量的水， 用筷子攪拌至看不見蛋白為止。如果在水入面勾D生粉，那蒸出來的蛋就更滑了。亦可以加少量花奶, 都好滑架!!

秘訣之二:　放氣－　要把攪拌好的蛋液倒進平底瓷碟中， 再讓其休息五分鐘， 好讓蛋液中之氣體溜走， 最後還要把留在表面的小氣泡撇去。

秘訣之三：　控制火路　－　鍋要大火將水煮滾， 把蛋液放在蒸架上， 蓋上鍋蓋後仍然保持大火， 數五秒，馬上將火收到極細 (火焰僅僅燒到鍋底即可)，大約蒸七至八分鐘，視乎蛋液的多寡而定。

蒸水蛋跟蒸魚不同， 可以隨時揭開撿查成果。如果你對蒸水蛋所需的時問未有把握， 不防揭蓋看多幾次及搖它幾下， 發覺蛋液已經凝固堅實，表示蒸水蛋已大功告成了，就食得啦！！

想蒸到如美人臉的水蛋嗎？秘訣如下：

1. 記住1-4-7三個號碼，這密碼代表：1 - 1包雞湯（350毫升裝）、4 - 4隻雞蛋、7 - 蒸7分鐘。

2. 由於用上雞湯蒸，所以不用加任何調味料，就已夠晒味的了，如用水蒸，要調味的話，那要用上豉油調味而不要用上鹽。

3. 把蛋液雞湯混合液上的泡，用匙羹或其他器具輕輕撇走才注到蒸蛋的碟內。

4. 蒸蛋的碟或可先放到上蒸幾分鐘，待溫熱後，才注入蛋液雞湯混合液來蒸，水滾計蒸個7分鐘。

5. 避免倒汗水滴回水蛋面，形成「蜂巢」狀，可：1) 以保鮮紙包著蒸 2) 蒸時鑊蓋邊攝入一隻筷子疏氣，以防倒汗水倒流。

6. 蒸完7分鐘，可關火，但不要立即打開鑊蓋，讓鑊內的餘溫焗多5鐘。

7. 5分鐘後，可快手打開鑊蓋，要避免鑊的倒汗水滴回水蛋面。

舖上保鮮紙
另鑊邊用毛巾封好
唔好比有凍空氣入到去