玩具貴婦2個月大?(急問)

你所講既情況, 狗狗腸胃已有問題, 最好立刻帶佢睇醫生, 兩個幾月既小狗又未打預防針, 係無抵抗力架, 佢地好弱, 要十分小心照顧佢地. 如果你對養狗既知識唔多, 可上網睇多d, 有d病徵(包括肚呵)係可大可小架.
有關狗糧問題, 你可問返賣狗比你果個人or狗鋪, 小狗食開咩牌子既糧, 如果問唔到, 可試下royal canin 隻bb糧. 我囡囡(5個月大既奶荼色貴婦)都食緊呢隻, 好多獸醫都推薦. 可食到9個月至1歲先換, 因bb糧營養比較好. 只用溫水浸軟d糧就ok, 葡萄糖水野啖, 無必要唔需要比狗狗飲, 通常狗狗病到食唔到野, 怕佢無哂熱量先比佢飲. 到佢三個月左右大就開始唔浸都得.
至於打針問題, 兩個月就要打第一支預防疫苗, 然後三個月大打第二支, 四個月打第三支, 之後每年一支加強針. 另五個月內要打瘋狗針, 同時植入晶片, 獸醫可幫你攞狗牌.
我囡囡五個月大就打齊第一年既針啦, 唔需要擔心.
其實我之前買左隻兩個幾月既貴婦, 返黎就發現有狗瘟, 醫左兩個星期, 用左過萬都救唔返,
所以我希望你可快d帶狗狗睇醫生, 越遲就越問題就可能越大.

可以俾d營養膏狗b食，令佢身體強壯d，咁就唔會有咁多小毛病。
可參考以下的網頁:
http://www.puspaka.com/*****558

佢既大便係什麼顏色嫁? 如果你啡色就要立即同佢睇醫生啦...定佢有無嘔呀?