己婚，女士，同奶奶住，請進

我有兩個小朋友, 同奶奶住左17年, 小朋友細時佢唔肯揍, 我又要返工, 咪比亞媽揍咯, 不過我冇嬲佢, 佢冇義務幫我揍既, 不過後來小朋友讀書搬返黎住, 佢都好鍚佢地, 亦幫到我好多, 起碼放工後唔洗趕返屋企買餸煮飯. 所以後來我地有能力買樓, 都同奶奶一齊住.
小朋友讀左小學, 我亦冇返工, 日日對住, 磨擦當然會有, 但我地都會互相體諒, 要將心比己, 例如有朋友問我點解咁叻可以同奶奶住, 我就會講, 其實我奶奶都好叻, 可以同我住. 問心自己都不是一個好皮氣的人, 人忍你, 你忍人啦, 總之記住係一家人, 分分鍾同奶奶住既時間會耐過亞媽ka.
我同個仔講, 我唔會同佢地住, 佢地亦唔好唸住同我住(因為我覺得佢地亦應享受一下二人世界麻, 亦學下照顧自己), 不過如果我和爸爸是但一個走左, 佢地就唔可以唔理另外一個啦.
因為我只有奶奶冇老爺, 再比我揀都會同佢住, 因為我唔鍾意老人家咁寂寞.