倉鼠問題!!!急!!!

已經有打交既行為,當然要盡快分開佢地,唔係打得仲傷or打死先再處理就太遲了,特別係鼠鼠半夜先係最活躍,到時真係打死就慘了到鼠鼠流血先分籠既話,到時可能已經救唔返鼠鼠既生命
眼開唔到既鼠你要仔細睇清楚佢係咪被打到開唔到眼,定係有塵打唔到,如果係打傷既話建議你帶佢睇醫生處理,自己係處理唔到既,因為坊間係冇藥可以買到去醫隻眼,眼藥水之類就唔可以睨用

受傷未必會影響鼠鼠飲食既,鼠鼠去到十分病or受驚過度先會唔食唔飲,就算有腫瘤等嚴重疾病,初時都唔會唔食唔飲呢

A.打交受傷既處理方法如下:
1)仔細檢查兩隻鼠有冇外傷,有既話,小心唔好整到眼耳口鼻,近眼耳口鼻既話就唔可以用外傷藥
2)分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
4)保持個籠乾爽清潔,避免細菌感染
5)如果有內服既"外傷素"就可以俾鼠鼠飲住先,但嚴重既盡快睇醫生先係最好既方法
6)睇醫生既話可以考慮一下
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/
基本診金$290,藥及手術另計

平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

B.倉鼠打交係因為佢地本身就係獨居動物,根本唔適合同其他鼠一齊住既,好似熊貓安安佳佳咁,佢地都係一個咁生活,佢地都唔會悶,鼠鼠一隻住都係唔會悶既
我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係,甚至話係增進感情,好彩就打唔傷,但留意一下過去既知識,就見到有不少鼠打傷打死

我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既
沖完涼再放埋一齊既方法我都試過好多次,一樣打得好勁呢

我都好想一籠多鼠,但好多人地講既方法我細個都試過晒,結果都一樣,唔想你步我後塵,所以希望你可以考慮一下以下幾點及考慮將佢地永遠分籠:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-10-14 20:22:42 補充：
如果鼠鼠既眼打唔開,唔係被打傷,唔係腫,就可能係眼有塵,咁可以試下以下方法:用藥用棉花,加少少微暖既水,抹下鼠鼠隻眼,都係唔得就可以用極微既力去試下打開鼠鼠既眼(冇信心控制力度就唔好試),如果係有塵既話,應該可以打得開,打唔開就可能隻眼有病了眼疾詳情可參考以下我回答既知識:http://hk.knowledge.yahoo.com/question/?qid=7007091104336

2007-10-15 15:37:32 補充：
其實唔係一男一女一方唔想交配先有機會打,兩女or兩男都一樣有機會打交既

我都養了一只倉鼠,如果打交,就要分開養,我的同學的倉鼠打交,結果咬死了,要分籠養,如有問題,add [email protected]