點解搵女朋友甘難

其實搵唔到女朋友，不外乎兩個原因，一，自己唔識得揀對象，二，自己追女仔手段唔得。

先講第二點，追女仔手段，來來去去都係玩若即若離、以退為進。即係對住心儀女性，自己明明好想同佢一齊，但反而要喺佢面前吊高嚟賣，要識得以退為進，自己對佢好一排，連佢都以為你係想追佢時(事實上你亦真係想追佢)，你就忽然玩失踪，好似陳太遊遊吓行忽然走去恤髮咁，非常突匹，但就係因為咁突匹，個女仔就會自尊受到打擊，因為佢以為佢自己喺你心中好重要，點知原來你可以忽然離開，忽然冷淡，佢會好想知點解，會成日就呢件事唔開心，其實變相即係成日諗住你，你再走番出嚟，佢會好重視你，就算佢本來覺得你麻麻地，都可能因此而想同你一齊。

至於上面提到嘅第一點，就更重要。有好多人，包括以前在下亦係咁，追唔到女仔，就不其然會想真命天女還未出現，唔知佢會幾時出現呢？佢會係乜野背景呢？呢一種思想，可以稱之為燈下暗，即係成日都以為遠在天邊，點解唔諗吓會否近在眼前。點解自己冇女朋友，就一定要以為自己未來個女朋友一定係自己現時未認識嘅人？其實好多時候，係我地自己眼大睇過龍，真命天女早已出現，就喺你身邊嘅女仔其中嘅一個，自己識得佢，仲可能同佢好熟，成日傾偈，但就係未諗到要佢做自己女朋友，但諗深一層，佢如果做自己另一半可能又會幾好，甚至佢已經暗戀緊自己，等緊自己出聲都未定。因此，請你攝高枕頭回顧你身邊經常出現嘅女仔，邊個係同你啱傾嘅，正常嚟講，尤其你話自己有好多女性朋友，你嘅另一半一早出現左喺你身邊，只係你未留心，未察覺嘅機會好大，我都係喺冇對象時，喺我身邊嘅女性朋友發掘，結果搵到我生命中好合適嘅另一半。

踏破鐵鞋無覓處，得來全不費工夫，向你身邊嘅女性朋友埋手啦，唔好將事情諗得太複雜。

我覺得你不用灰心,可能你還未遇到,有人很早就遇到,有人就很遲才遇到。你可以參加一些社交的活動,說不定你會遇上她。
加油,不要放棄,祝你早日遇到她吧。

其實感情lee樣問題應該係順其自然,唔好太強求,終有一天可以搵到既,唔洗擔心.

其實唔會好難呀，只係你ｇｅ緣份未到啫，唔洗心灰ｗｏ，加油啦
如果再有問題，可以揾我傾：[email protected]