去美國自由行

唔知去backpack 要用幾多錢? HKD$20000 for一個人(包機票夠唔夠)?
答: 平機票到西岸可以平到約$7000. 酒店房住差些的MOTEL, 每晚約USD 70-100, 住得離開市中心遠些的約USD50-80, 由於美國的床通常好大, 3個女仔都夠瞓. 一餐快餐約USD6, 餐廳要USD 15-25. 其實HKD$20000一個人係夠的. 租車每日約USD40. 汽油就好平, 每日約USD5. 視乎你想住得幾好, 食得幾豪. 如果係去拉斯維加斯, 經旅行社訂房可能會平到USD 50晚, 平過MOTEL, 因為酒店主要係要昆你去賭錢. 如果你玩埋東岸, HKD$20000比較不足, 要克苦小小. 其實美國人好多都係得HKD$20000月薪, 他們都夠生活一個月, 你雖然係遊客, 其實都會夠用.
租車自己開要d咩要求同幾多錢?
答: 要求要有國際車牌. 在香港運輸署申請, 即日有. HKD80. 要注意美國的油站係自助的, 要自己入油. 小心不要雞手鴨腳, 否則會做成巨大意外. 美國是左軚的. 小心轉彎時入錯路口. 由於你係長租一個月, 係可以幾平. 試下BUDGET, NATIONAL等租車公司, 比較平.
洗唔洗簽VISA?
答: 香港的護照要簽VISA.
另外, 美國有個AAA, 在當地可以幫你以平價訂酒店和廸士尼門票, 又有免費的地圖書和遊玩介紹. 計埋個入會費都有著數.
你可以到SFO, 開車去LA, 再到拉斯維加斯, 再開車行66公路去芝加哥, 再過去紐約, 然後去ORLANDO玩廸士尼世界, 可以真係玩足一個月.
唔明再問.

2007-10-17 21:36:42 補充：
樓上位仁兄其實都計得好好, 不過佢計你一人一酒店房. 但係如果你三個人一間房, 係夠錢的.