請問考試會計CE or AL既同學.....

你覺得英文深可能係英文低打得唔好, 或者做/睇題目經驗少. 我第一次考會考英文課程乙係E, 第二次係D, 中七考UE係E. 如果你英文合格的話, 相信睇題目都不成問題.
其實會考會計來來去去都係要你劃ledger, 答theory, 劃Trading & Profit & Loss a/c, balance sheet, 寫journal entries. 但到高考會計就唔同. 高考比會考出得深同長好多. 以上所述的只是考試其中一部分, 成本會計已經唔係再做財務會計既話, 但係你亦需要有財務會計既低. 財務會計未致於做錯一個step就bye bye, 因為考試會根據你既步驟及答案去計分. 你就算P/L計中盈利, balance sheet平衡都唔會特別加分. 會考你有部份數抄中都會有分, 但AL就未必有分. 有working的會值多點分數, 視乎你需要幾多步驟去計. 但成本會計裡面, 你寫錯一個數就真係要講bye bye, 因為不同數會互相影響. 例如你計錯某個生產工序成本, 就會計錯生產成本, 計錯生產成本就會計錯預算銷售價, 如此類推. 每樣項目都會佔有分數.
我個人認為, 讀會計真係要明白theory同多睇數. 數唔好睇完就算, 你要知道唔同數要點計同點解咁做. 數亦都要多做, 但你做之前要明白你學過既野, 盲目做係無用. 數要唔熟既做到熟為止. 數方面可包括書後練習及pastpaper. 做既時候要計時. 會考Section A要20分鐘內做完, Section B要45-50分鐘內做完. 不斷做數係訓練你如何於有限時間內做得快而準. 你做完之後一定要對答案, 當中錯的地方要多加留意, 要了解自己錯的原因, 提醒自己不要再錯. Theory就一定要睇熟, 否則做數睇數可能會面對困難. 書中講述的重要概念要記住, 有需要就要背. Double entry概念係非常重要, 你連呢個概念都打唔好的話, 你財務會計就係咁先.
申報: 會考第一次考會計C, 第二次A. AL會計C.

2007-10-20 14:17:32 補充：
格式係要背(例如: T P/L, Balance Sheet, Cash Flow statement係點樣). 要容易記就只有邊做邊記, 熟能生巧.