用鱷魚、舵鳥及蛇皮做手袋是否很殘忍?為什麼人咁殘忍?

首先, 恭喜閣下有反省能力, 覺得人類對其他動物應該有道義d.
咁用動物作食物係唔係殘忍? 閣下是否食素人士? 如果唔係, 為什麼你咁殘忍?
如果隻動物橫掂都用來食用既, 我睇唔出利用佢既皮毛做第二d用途會增加佢地既痛苦, 橫掂佢都死左, 之後都冇知覺. 而你唔用盡佢身體既每部分, 食完d肉就拿皮毛去堆填/焚化, 咁直頭係浪費!咁利用剩餘物資做手袋, 本身就唔係殘忍.
但如果單單為左拿佢既皮而殺佢, 將屍體棄置/堆填, 就係無需要啦. 我地可以用植物纖維/石油製品做衫, 做手袋, 冇必要用獸皮吖? 咁你可以話係無謂既殘忍.
人類肉食既歷史幾千年以來, 以前養一隻動物成本貴, 皮毛當然用到盡, 不浪費. 而獸皮係有錢人既象徵.
而家有各種科學飼料, 機械協助, 大型繁殖場肉類生產得又平又多. 所以多左人食肉, 多d肉比人食. 而獸皮就冇咩大不了啦. 咁每日殺多咁多動物, 咪好殘忍? 只因為唔係你屋企殺豬, 你唔覺而已. 如果你每日既香腸餐肉牛丸麥nugget都係你屋企殺豬宰牛當雞既話, 可能你一早轉食齋啦.
用鱷魚、舵鳥及蛇皮做手袋是否很殘忍?
咁養來食既話, 用佢地既皮毛又有何不可? 不過在下想問既係: 人係咪一定要食用鱷魚、舵鳥及蛇呢? 如果唔係, 做咩想要鱷魚、舵鳥及蛇皮呢? 有植物纖維/石油製品可以代替既話, 仲用呢d野, 就好殘忍啦.

---
回到素食問題, 人類係唔係一定要食肉類?
好多人會答你: 都唔係既, 食齋都得既, 都唔會死既/ 都唔會營養不良既[其實食肉反而病痛仲多添]. 咁點解大家仲食肉? 習慣左? 好味d? 方便d?[出街食飯好難搵全齋既食肆, 普通食肆又冇咩素菜可供選擇] ...
今日之後, 你可唔可以做到日日食素, 減少對動物既殘忍呢?

咁用豬皮, 牛皮殘忍嗎? 比起戰爭, 恐怖份子殺人... 哪樣殘忍? 人天性就是殘忍, 為本身利益, 不惜傷害他人, 動物, 甚至我們生活的地球....

我都覺得用鱷魚、舵鳥及蛇皮做手袋是殘忍!試用第二方面想,鱷魚把人類殺了來當食物,但是牠們是迫不得已,因為如果沒有食物就會死!但人類就十分憤怒,千方百計研究殺鱷魚的方法!
但人類為了自己,不惜把動物生命當成手袋,可想人類為了得到一些東西,而不擇手段,說到底,全球暖化,山火,大量垃圾,廢氣等破瓌大自然的行為,是人類一手造成!可想人類是多麼貪心!
[這篇文章是我自已個人意見]!!!!!!
希望幫到你

用動物皮做手袋..衣服 的質量都很好!
而且價值連城..

呢個世界冇錢就萬萬不能..
人就係咁貪心..
為左錢..連d動物既生命都可以唔理!