有關僱主拖糧

首先，僱主拖欠薪金，你絕對有權告佢，但勞工處會先睇，究竟僱主係有d錢未計比你，還是過咗法定7天直至目前為此都未比你，因為兩者會有分別，理由如下：

1﹚若僱主有d錢未計比你，又睇下幾多喎，銀碼少，佢會建議僱主比番你，若僱主有心唔比你，佢又會建議你同僱主和解

2﹚如果僱主已比番d錢你，但只不過佢遲咗比你，你為啖氣而告佢，你有權追討既只不過係利息，假若你涉及錢銀唔多，佢地又建議你和解或完結

去勞工處告僱主一般程序如下：

你去勞工處登記述說僱主欠你什麼，跟住會有個調解主任會安排你同僱主會面，盡量勸你們和解，尤其是那些涉及錢銀唔多，若你堅持要繼落去，便要去勞資審裁處登記，程序又要由頭做過，你先去公司註冊處查冊你僱主﹙好似你要比錢做﹚，跟住又要約見調查主任交文件，又要寫口供紙，又要等排期審訊，到那天去到又要唔知等到幾時到你﹙雖然有定明時間，但那朝上午同時會有幾間公司一齊等審訊，你唔會知你先定後，跟住第一日過堂，個官會問你告僱主什麼，佢主要都係勸你們和解，若你唔肯，你地又要對齊文件，又要等下一次排期正式審訊...又係一早去等果種...有証人要叫埋佢地一齊去等...案件複雜又要第二次聆訊...又要等...

其實過程極度花時間，所以我勸你如果涉及金額唔大，例如佢只係遲出糧比你，但我諗一個知自己理虧既僱主一定會在開審前比番你，所以你有權追既就只係利息，數目不大便不要攪下去，因你要保住份新工，返新工你邊可以成日假呢？仲有，去到勞資審裁處排期日子一定係辦公時間，基本上不容許隨便改動，所以你都幾煩架。

若你為啖氣，去到調解會議都ok啦，嚇下佢地就算囉。
如果你開咗file，但到最後又唔告，或可撤消控告，但他日再告機會較微，因個官會問你點解你唔一早告，到依家先黎，若你之前協議和解，你就不可因此事再告佢....去到勞資審裁處d官好嚴肅，幾寸，有一次我見到個申索人比個官盤問咗好耐....

勞工處及勞資審裁處都只會在辦公時間工作，基本上時間你無得選舉。

故你無工做就可選擇繼續告，有工就算啦，無謂為咗咁而影響份新工丫！

2007-10-15 14:31:57 補充：
你想發表意見，當然可以啦，你可以打政府1823熱線，你可寫信發表，你更可透過傳媒發表，或許這樣做你會好d，老實講，不單止涉及勞工條例，係香港，涉及法律問題係要有好多既司法程序，要打官師仲要有更多時間、金錢、精神，我地d普通巿民，個個都為要保住自己份工邊有時間攪咁多嘢丫，我有個朋友就係因為涉及法律問題而好鬼煩...不過如果公司真係欠你錢唔比你，我都建議你繼續告上去，但只係遲比你，咁你就睇下佢會遲幾多啦。希望你睇咗上述話比你知既程序後，可幫到你，讓你分析下你有無時間同前僱主周旋下去。

根據僱傭條例第S10A條，你前僱主已犯法，你只須提交證明，證明到僱主拖欠薪金，咁就ok嫁啦，佢仲要賠償多一個月代通知金俾你，你要見一次勞資審裁處既人落一份口供，其餘既事情就等勞工處跟哂，僱主肯定死緊，僱主會好麻煩嫁，所以我建議你同佢講法例，同解釋俾佢聽佢既後果，要求即時補水私下處理，唔係叫佢等認罪啦!