邊度買油漆平+磨牆用咩？

一般專賣漆油的顏料舖會平過五金舖，留意屋企附近有無顏料舖啦．
打磨牆壁___用紅砂紙(買120號或以上)
批完灰或執完灰，用砂紙輕輕力上下動作打磨．
油漆師傅都唔敢話自己批完灰係唔使省砂紙，就算牆身平面批到無灰屎(省下會靚過唔省砂紙)，明暗角都要用砂紙省下．
砂紙機＿唔建議使用，動力太大，會將批灰層磨走曬或留有粗糙的砂紙痕跡，白做．
幅牆油得靚唔靚，有三分一係省砂紙的功力．

你間房D蚤死哂,我好多謝你,我真是不小心睇漏左.但我試過你的問題,開始時只做間房成果不大,我請教專業人員,要全屋一起做才有效,我用了8個(兩房兩廳6百幾尺)終於冇事一天光哂.
好:油漆我會用 菊花牌
磨牆我唔知 對不起

不是拿分的,是多謝你的,已後小心睇!!!!!!!!!!

你買咁少油在屋企附近買就得啦, 價錢都係差唔多, 如果唔係時間車錢都浪費了.
磨牆? 很少人會做的, 基本上只要做好批灰就可以, 除非你的批盪層相差很遠.
磨牆是用手磨機的.
無論你是自己做或是比裝修師父做都好, 你都要知道正確的步驟及如何選擇漆油, 避免有人偷工減料等情況出現.
工序如下 :
1. 先剷除舊灰底 (如需要) (用化白水加入清水攪和油在牆上, 就很容易剷走舊灰啦)
2. 油光油 (目的是將灰底拿實)

3. 批灰 (目的是將牆壁凹凸不平的地方填平直)

4. 打磨平滑及淸理乾淨 (目的是將多餘的灰磨走及使牆壁平直)
5. 油啞白底漆一次 (目的是保護灰底及防潮作用)
6. 油上面油便可 (目的是美化及裝飾之用)
防潮底漆 :
司拿分為水性及油性兩類, 以油司拿較佳.
水司拿是用水稀釋.
油司拿是用松節水稀釋.
光油是用松節水稀釋,一般裝修工程都是用光油的, 因用途比司拿多.
菜膠+福粉比例如下 :
菜膠35%, 福粉55%, 石膏粉5%, 光油或白膠漿5%.

程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
啞白底漆 :
啞白底漆比例: 70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!



2007-10-20 09:31:13 補充：
磨牆? 你是否指用砂紙打磨, 如是可以用180號紅砂紙即木工用砂紙或灰砂紙即油漆用砂紙打磨.