我月經無黎4個月喇~(好擔心)

我上年年尾開始減肥﹐ 我就做運動同食菜+生果﹐無食任何藥物﹐都減左8KG左右﹐但減減下體重無落﹐我就無減喇. 而家體重都就快好似原本一樣﹐回復正常..

我而家好驚呀﹐ 我今年7月月經遲左10日無黎M, 我就去睇醫生﹐醫生話10日好平常﹐叫我放鬆心情等下~

等到8月無黎我又去睇醫生﹐醫生都係果句...>>唔洗擔心!!! 話如果我擔心可以做下檢查﹐我又驗血﹐又做超聲波﹐醫生話一切正常﹐係係d血度驗到小小小唔正常wor, 話可能"荷而毛"關係﹐叫我再等等~

等到9月頭終於有小小M黎﹐但真係小到用張紙巾抹下就無果種﹐仲唔係紅色﹐係啡色架, 之後去話比醫生知﹐ 醫生話太小﹐都唔算﹐ 又話等等﹐ 等到尋日終於忍唔住去睇醫生﹐ 佢又叫我等﹐ 我話我想食藥﹐ 佢開左d藥比我﹐ 叫我一日食3次﹐連續食3日﹐ 之後停兩日等M到, 我今日開始食藥﹐好驚食完之後都無M黎.... 你地有無試過類似情況呀? PS:(本人無男友﹐無性交 絕非懷孕) 我而家真係好擔心....