✔ 最佳答案
1.其實冇話幾多日要換一次木糠,個個籠大小唔同,都已經唔同,籠大d就冇咁快污糟
覺得污糟就要清理一下,可每日清理鼠鼠排泄物集中地,咁就衛生得多,最耐一星期大洗一次籠
2.唔需要每日俾鼠鼠出籠玩,特別係初買返唻一段時間,更加唔好咁,唔係鼠鼠會好驚,而且咁就好難同鼠鼠熟架啦
到同鼠鼠熟左之後,都唔需要日日放鼠出籠,只要籠唔太細,而籠入面有轉輪,唔俾零食鼠鼠食,鼠鼠一般都唔會過肥or運動不足,成日放鼠出唻or放得太耐既話都會令鼠鼠好累
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.
3.初初買返唻就唔好放鼠鼠出唻,最少要做到以上第2點講既咁,之後先再放鼠,唔係除左易唔見鼠之外,仲易令鼠鼠受驚
放鼠鼠出唻我習慣係咁既,可以參考一下:
我會將四方桌既一邊貼牆,自己就面對牆,另外兩邊就用盒整高,等鼠鼠走唔到出去,咁樣圍住,籠貼牆奕,籠既門對住我,之後先放鼠鼠出唻
多數我俾d野食鼠鼠,鼠鼠就會拎住,行返入籠放好
咁既方法一來唔易俾鼠鼠走左去,二來可以令鼠鼠習慣有野食就帶返入籠,咁萬一鼠鼠走左去,都有機會執到野食之後返返入去了
放鼠出唻要留意以下事項:
a)放鼠出唻最好係黃昏時候
因為鼠鼠係夜間活動日頭訓覺,多數黃昏開始先較活躍,所以黃昏對鼠鼠唻講較好
b)唔好在鼠鼠訓既時候要鼠鼠出唻玩
刻意去改善鼠鼠既作息,會令鼠鼠辛苦
c)要有足夠既信心先好放鼠鼠出唻
鼠鼠出到籠就一定會想偷走,所以有一定既信心唔會俾鼠鼠走左去,要控制得好好先得,鼠鼠一走左,就有排搵架啦,走左出去又危險
d)做足安全設施
i.如果放鼠鼠在地,要留意唔會有毒藥,地方要衛生,唔會有垃圾,唔係俾鼠鼠食到就大件事
ii.如放在桌就要圍好桌邊,唔好俾鼠鼠有機會跳or趺左落地
iii.同一地方唔會有野整親鼠鼠
iv.同處既位置唔會有貓狗等其他動物
2007-10-12 16:43:03 補充：
放鼠出籠漏左一點未講e)時間不要太耐放出唻太耐會令鼠鼠太累,特別係初次放鼠出唻,最好幾分鐘就算,唔係好易會嚇親鼠鼠,鼠鼠一驚,好易好快咁走左去,受驚又易病其實冇話第幾日可以放鼠出唻,係要睇返你同鼠鼠感覺如何,要去到你掌握到鼠鼠,同鼠鼠熟先可以
2007-10-12 17:02:23 補充：
如果當你做到我第2點咁抱到鼠鼠,之後再放鼠鼠出籠,放完之後抱返鼠鼠入籠就可以了頭幾次可能較難處理,記得小心d,真係放唔返鼠鼠入籠既,可以用杯之類,放d野食入去,引鼠鼠行入杯度,再放杯口對住籠既門,咁鼠鼠就會行返入去了
2007-10-13 02:07:28 補充：
我就建議唔好俾蔬菜俾鼠鼠食,原因如下:1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過而鼠鼠本身住在沙漠,所食到既植物都同蔬果好唔同,水份一定好少
2007-10-13 02:07:38 補充：
我覺得唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既.外國都有書本話呢個係危險玩具
