我個BB比預期細左一周

你依家都仲係中期呀,小b 有時會追唔上預產都正常ga!!唔好俾自己咁大壓力呀!!萬事放鬆心情去面對就得ga 喇!!我早兩個weeks 去醫院檢查呀..醫生話我個b 細左起碼兩weeks 呀..安排今日照超聲波,點知小b 已經追返預產期,一齊正常。
我自己睇私家果陣,個醫生就同我講,想bb 長胎呢就食下雪糕,食下芝士,我覺得真係ok 喎..一個月入面我小b 重左磅半呀!!我依家35weeks,小b 有5lb 喇!!你都試下啦..不過都係果句,要多d 休息唔好做咁多野...

我bb出世8磅幾, 我都無乜食飯,咁怕糖尿.我三餐如下
早餐: 2個包 (如果個幾日便秘就食麥片) + 2塊芝士+ 一匙燕窩 + 一杯媽媽奶 (幾個牌子都飲過, 好難飲, 有時飲下維記同牛奶公司)
午餐: 出街食一碟飯
下午荼: 又一個包
夜餐: 2匙飯+好多菜+少少肉+2碗湯
宵夜: 一柸奶, 有時一個包, 有時叫老公買腸粉, 見乎想食乜..... (後期隔晚加多個芝麻糊)
總括, 一日差唔多食4個飽, 整個孕期重左30磅

2007-10-12 13:45:25 補充：
不過你咁緊張乜都唔吸收啦, 放鬆d, 開心d! 祝孕期愉快!

第一件事是你先要放鬆，心情都會影響bb的生長過程。你現在仍是懷孕初期，bb的成長速率都會有不同，有快也有慢，有些媽媽懷孕初期的bb生長快，但後幾個月慢也會，也有相反的情況，最緊要定期觀察及檢查。bb生長未必係你食幾多佢就吸收幾多大幾多，只要均衡飲食，多休息，睡眠質素好，多保持心境開朗，這樣才有幫助。你可以自己煑飯已經很好了，但不要迫自己吃太多，一來影響自己腸胃，二來你食的未必係bb吸收的，如果係自己吸收就會肥哂係自己到，其實係飲食方面，方間有很多有關產前護理/飲食的書籍參考，你不妨買來看看。你睇果個係咪私家醫生，如果你覺得不放心，你不妨找多個醫生做檢查。其實醫生也有細心不細心，最緊要是你自己唔好咁緊張先，多d睇吓有嬰兒書籍，能幫助你更了解bb的成長。

其實媽媽食幾多嘢同BB係肚到吸唔吸收係兩回事, 唔好咁怪責自己! 你要知道, BB係你肚到係獨立成立的個體只係你要比足夠的營養佢成長....你見有D媽媽身形好大, 但都未必代表BB都好大的. 因如果你同你先生都唔係大個子, 無可能要你BB出世有8,9磅重....
而且你已做好你本份, 如食有營養的食物, 早睡早起, 會做運動, 唔煙唔酒,唔多油多糖多鹽, 又無食其他有問題的嘢....BB一定健康成長的.
仲有, 有D BB會係最尾果個幾月開TURBO漲大的....你唔好太擔心, BB正常健康就得啦.....要好因為一D唔係你可能控制的事而令自己困擾啦....
做個開心的媽媽, BB都開心的...
TAKE CARE!!

2007-10-12 13:23:36 補充：
另不太鼓勵飲媽媽奶....以我為例:1) 大仔的日日飲一杯, 結果出生後3星期,嚴重濕疹, 塊面紅腫而且出水, 令人擔心,而家5歲仲間中會有...2) 細仔, 任何奶類都唔飲, 出世到而家都無事....以上係巧合定真係有關係呢.....我覺得你有關係....你呢???

飲孕婦奶粉啦, 我朋友日日2杯喜康素, 結果個bb大到生唔出, 要開刀。試下啦! 不過一日一杯都ok的了。