有D咩魚o岩BB煲粥食呢

由我 BB 的年代開始至今我的小寶寶 , 都用鯇魚腩或大魚腩 , 因骨又粗又大 , 不怕有骨混入粥內 , 不會哽到 BB, 粥仔將近煲好 , 不要切開魚腩 , 將整塊魚腩 , 放在粥面煲 , 煲好後 , 取出魚腩 , 粥便吸收了魚的精華 , 若你有心機 , 可將魚放在碟上 , 慢慢揀出魚肉 , 混入粥內給 BB 吃 ,

另外 , 還有很多食物可煲粥 , 令 BB 吸收到不同營養 , 有蘿蔔粥 , 可將紅蘿蔔用磨薑器磨成蓉 , 粥仔將近煲好 , 將紅蘿蔔蓉混入粥內煲熟 , 多食紅蘿蔔 , 對眼睛有益 !

你可嘗試隔日俾蘋果蓉及木瓜蓉 BB 食 , 可幫助消化 , 用匙羹挖出蘋果或木瓜肉 , 比搾汁更好 ! 因橙有致敏元 , 若有氣管敏感或咳嗽 , 便不要吃了 , 不吃橙 , 可用奇異果蓉代替 , 奇異果的維他命 C 比橙更豐富 , 又不會有致敏元 ,

2007-10-16 13:12:38 補充：
建議不要太早給 BB 吃有調味的食品 , 因 BB 習慣了味道濃的食物 , 便會更容易揀飲擇食 , BB 應多吃新鮮健康的食物 , 到 BB 長大後 , 不用你教 , 小孩子總愛吃味道濃的食物了 !

我給 BB 吃的魚 , 肉 , 菜 , 全不加油鹽等調味料

希望你 BB 健康快高長大

三文魚...因為有omega3對bb好有益...

買鯪魚肉，得唔得，方便嗎
但都有D骨

我妹妹細個GE時候,
我媽媽通常都會煲碎牛肉粥.

通常都係去牛肉檔,
請佢地搞碎咗D牛肉,
然後我媽咪再會係屋企再"dirt"碎D.

一放落D粥到,佢就會散開.
煲出嚟之後, D牛肉碎同D粥混埋一齊.
係好細粒,係好適合心BB食的.


如果煲魚粥的話, 您可以買D鯪魚或魚片.
鯪魚比較好的地方, 就是它沒有骨.
您也只需要切碎, 切到適合BB食GE大小就可以.

而魚片就有可能有骨.
您可以買返嚟之後, 自己再睇下,揀下.
咁會安全好多呢.


希望幫到您呢

大魚腩或鯇魚腩
因為呢兩箽魚腩只係得幾條大骨容易揀
由亞婆個代已經多數用呢兩種魚腩

紅衫魚 & 馬頭...大魚腩
我都成日買返來煲粥俾我個女食架..
佢超like 呀...
紅衫魚 : 先煎一煎, 再入袋煲湯, 再用d湯煲粥..
馬頭...大魚腩 : 先蒸熟, 再起肉, 再撈落粥仔一齊食.
(馬頭就會好多骨, 要小心!!)
紅衫魚就$10/3條 , 馬頭就$15/2條 , 魚腩就大概$8/塊(可以食兩餐)
記住要少鹽少油!!!

老實講,我諗而家好難有魚完全無毒.
最緊要唔好用多骨既,梗骨就大鑊.
可以用紅衫或倉魚,鯇魚都ok
d魚分開蒸,之後揀d肉出黎(小心確定無骨)
之後混落d粥度