我想買倉鼠!!!

絕對地係買一隻好

倉鼠係獨居動物,唔會怕悶,多過一隻住就一定會打交,同一胎or2隻男or2隻女都一樣會打交,如果養一男一女,除左會打交之外,仲會繁殖,繁殖既話,就更多問題

好多人見到鼠打交都話鼠鼠打交但唔流血就即係玩,但其實並唔係咁,有時鼠鼠勢力平均的確未必會有能力打死打傷對方,但唔係咁即係玩呢,而且當某次打交冇打傷,又難保下次會唔會有事,咁又何必用鼠鼠既身體去試呢?

坊間有好多話可以一籠一鼠既方法,好似話買多個轉輪,又話同鼠沖涼等,所有方法我細個都試過晒,一籠有兩層,轉輪,屋仔等秉有野都有兩樣或以上,兩隻同一胎感覺好似好好既鼠,忽然有一日我外出一會,就打死晒,打到頭都甩埋,好恐怖,所以真係好希望考慮清楚先好

我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議 一籠一鼠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-10-11 19:51:04 補充：
樓上網友既講法有d唔同意俾鼠咬雖然冇咩危險,但我覺得消消毒會較好,始終都係一個傷口而鼠鼠食既野好影響鼠鼠既健康同壽命,鼠鼠雖然十分鍾意食瓜子,但食得多瓜子好易肥胖,肥胖好易誘發疾病現時既混合鼠糧都係經研究而鼠成,好有營養既,而主糧係指一包有好多種唔同野食既糧.我而家隻鼠就只係食主糧,我個人經驗係愈少雜食,鼠鼠身體愈健康,可以去到年老都冇病,而每次俾鼠糧最好等鼠鼠差不多食完先再加,咁就可以防止鼠鼠揀飲擇食其實受潮鼠鼠未必真係唔食,但最大問題係會對鼠鼠身體唔好,所以買糧時要留意返鼠糧有冇問題,有冇小昆蟲,開口後要用保鮮袋及保鮮盒裝住,而一次唔好買咁多,買細包,咁就冇咁易壞了

2007-10-11 19:54:55 補充：
買兩隻鼠真係唔建議,一男一女更加係問題好大,有網友買一對鼠,幾個月後有80多隻呢而兩女兩男,一男一女都有打交既機會,知識 都有不少打交既問題,可以參考返因為倉鼠本身係獨居動物,所以冇話咩品種會一定唔打,愛錫鼠鼠一1合9想睇到鼠鼠打交打傷甚至死亡吧?而悶只係人覺得鼠鼠悶,好似熊貓咁,都係獨居動物,安安佳佳都要分開住,可能你覺佢悶,但其實唔會呢

倉鼠唔驚悶嫁^^，如果你經濟負擔得起就買兩隻啦~最好買一男一女，但小心佢地會生BB~最好買同一隻品種~^^唔可以買兩女or兩男，因為好易打交>

我有3隻bb倉鼠,我比你啦

1隻會好悶"
不過都可以買D玩具佢玩"

如果買兩隻既話就買小露寶"
小露寶比較細隻"而且佢地好小會打交"

[兩隻的話要買同性,,因為男女1齊好易生好多個BB]"

顏色最漂亮，就是純色，例如純白，純橙黃或純啡黃，不過也最貴。
我會去元朗豐年路附近的倉鼠店買，因為都幾平。

買倉鼠最好買２隻都要係同一毛色(同一品種),
如果２隻唔同色，都會好容易打交,，
如果其中一隻的體形較大，就會咬到對方受傷和流血。
通常不到2個月, 就可以生BB,
但不要近親, 近親會不太好。

由於倉鼠的門齒會不停地生長，
不咬東西的話，門牙會刺穿上顎而死，
因此，牠們基本上每天都不停地做磨牙的工作，
好不忙碌，只要有可以咬的東西, 無論是鐵造的籠子，
抑或膠製的小屋子，都會不停地咬，不停地咬，
而且連倉鼠都會咬倉鼠，咬到痛出吱吱聲，
這時候，要把倉鼠隔離，否則，到了第二天，
就會可能受傷。

我識得一位現在已經讀中三的朋友，她養過的倉鼠，
生了ＢＢ之後，結果那些倉鼠ＢＢ把倉鼠媽媽咬死。

此外，一不小心，把手指放入籠裡時，
倉鼠會連人的手指都會咬到流血。
所有養過倉鼠的朋友, 都有被倉鼠噬過的經驗。
雖然會十分痛，但只要洗洗手便可以。

　太約要幾多錢? ($200有找)
要買的用品, 有倉鼠籠, 飲水器, 小屋子, 轉轉, 木糠等,
如果有大籠, 可以加入一些透明隧道,

也要買一些 "沖涼粉" 把牠們放入一個容器內,
讓牠們自己打滾來 "乾洗"。

吃的主要有葵瓜子, 和乾糧, 要多些買瓜子，
即使倉鼠愛把瓜子咬開，把瓜子肉收藏起來，
而不是吃。所以要常常買，但又要小心防潮，
受潮了的瓜子不脆，倉鼠不會咬。

一隻倉鼠可以，兩隻會打交