我想問d關於倉鼠既飼養方法

✔ 最佳答案

A.平日養鼠要留意既事:
1)每日換水,並檢查水樽係咪真係出到水同會唔會漏水

2)食物要有足夠既份量,多d都唔緊要,鼠鼠係知飽既.最好放多d,多d食物先令鼠鼠有安全感,一般乾糧可以耐d先換

3)糧食方面都要留意好多人既食物都係唔適合鼠鼠既,甚至蔬果我都覺得唔好,原因如下:
a)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.
b)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.
c)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份,又或會對鼠鼠係太刺激食物等,食得唔健康好易病既.
d)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食

4)一星期用沖涼粉沖一次涼,真係太熱太臭最多都係兩次,有病先例外.唔好用水同鼠鼠沖涼.

5)一星期大洗籠一次,平日覺污糟都可以打掃一下,鼠鼠多數排泄得好集中,打掃排泄開既位置同佢訓既位置就已經好好多(因為鼠鼠用排泄物去表示呢個係自己地頭,所以訓既地方都會排泄)

6)唔好用有味or有色既木糠,最好買d冇咁碎既.有味既木糠加埋鼠鼠既排泄物係好臭既,有色就可能會甩色,碎既木糠就易影響鼠鼠呼吸道.以甘既都易令鼠鼠敏感.

7)個籠一定要安全,唔會有野整親鼠鼠,唔好用一間間好通風既轉輪同地板,好易卡住鼠鼠隻腳.

8)鼠鼠好叻走佬,留意有冇咩位鼠鼠會走到.

9)鼠鼠怕凍,更怕熱,凍同熱都要為鼠鼠保暖or解暑

10)好緊要既係,平日多d留意鼠鼠既身體同排泄物,有咩異常就可能係有病.

11)鼠鼠既牙係不斷生長,所以要有野俾鼠鼠磨牙,唔磨牙既話,d牙會插穿鼠鼠,令鼠鼠死亡
如果你隻鼠唔咬磨牙石,就可以買一d木制玩具俾佢咬(磨埋爪都得),又或可以試下鹽磚.

12)除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩

B.鼠鼠走佬尋找法:
1)走失左你可以去屋企既角落度搵下先,鼠鼠多數呢埋去一d暗既角落,
2)留意屋企有冇d咩危險物品,好似殺蟲蟻既藥等等,要收起
3)仲要關好門,唔好俾鼠鼠走左出去.
4)試下用野食引佢出唻,叫佢名同埋用平日叫佢食野既方法叫佢,等佢知道有野食就出唻.都係唔得既話,可以放d野食出唻,引佢自己出現
5)找尋有冇鼠鼠走過既痕跡,便便or食物等
6)捉返佢既時候要小心,最好有d物品幫手而唔洗直接用手啦,因為佢走過,俾你發現之後情緒會比較緊張,可能會咬人,亦都比較難用手就咁捉到

隻隻鼠呢埋既地方唔同,我之前既鼠就試過呢去床邊既罅,都試過呢去廚房d邊位,都試過在我房門口等我.梳化下都有可能,總之在d幽暗位搵下,鼠鼠都係鍾意呢埋同鍾意暗既.我唔知你屋企係點,所以都好難話多數咩位置.而且小心你有開過門or有咩位俾佢走到出街呀.出左去就搵唔返架啦.

如果搵返得既話,要好好留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁.
3)都要留意返個籠仲有冇第d位可以走到,倉鼠係出名既逃走專家,一定要小心
4)佢走過出去驚好正常,同佢用沖涼粉整乾淨個身,檢查下佢身體有冇受傷
5)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀.
6)呢幾日要特別留意下佢既排泄物有冇異常,我擔心佢出去食過d唔乾淨既野or嚇到唔舒服

C.冬夏兩季留意事項
夏天:
夏天太熱時,可以用風扇遠距離咁吹下鼠鼠,又或可以用散熱板(不過唔係隻隻鼠都會用),同時用少d木糠,並將鼠鼠放在陰涼處,唔好曬到鼠鼠
市面都有俾熱天用既用具,冷氣梳化or一塊板,係放d野入去再會凍既野,用完要再入既,我試過係唔好用既,因為會有水整到出唻,而且唔係真係咁涼. 都有睇過方法話放支冰水在旁再加毛巾,都試過唔似有用,鼠鼠唔會特別去涼,亦都唔覺會涼好多.仲會好多水整落毛巾甚至漏出唻...
所以我本身就用風扇遠遠地咁吹+散熱板+少d木糠
同時留意水樽出水有冇問題,避免脫水同中暑(當然冬天都要留意,但夏天較緊要)

冬天:
野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱)

其實放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,隻鼠都冇咩特別,所以唔洗太擔心.室溫唔會令人覺得太凍太熱,咁就ok了
同時用鼠專用棉,同埋用多d木糠,一般在室內,都會夠暖

2007-10-11 19:25:17 補充：
放鼠籠去陰涼處,同時真係太熱時,先需開風扇既,不在屋企既時候,可只用散熱板,除非有人在屋企,唔係冇人咁開風扇就唔係咁好啦怕鼠鼠冷親or熱親既話,可參考我正文既回答,文中C點有講既

我想問d關於倉鼠既飼養方法

回答 (3)