是不是真的要分開了?請給點意見,謝謝

我覺得要一個男人承認佢自己係愛一個人好難,唔知點解男人要承認佢對別人既愛係需要咁大既勇氣..
佢肯為你而改變,證明左佢係有心去同你一齊,唔愛一個人係唔會有動力去為另一個人而改變同付出(我男友講既),佢可以為左你而放棄佢多姿多采既娛樂同生活,其實係佢付出既表現~你可以嘗試話俾佢知你感受到,你亦好開心,男人其實都好需要呢d支持,因為我自身都發生過,之後男友同我講其實好想聽到我講句睇到佢既付出,亦好開心,令佢覺得佢既付出有意義~
每一段感情其實都有低落既時候,要靠兩個人好好咁去維繫,付出,先至可以排除所有既困難,要兩個人既心都堅定不移,就係兩個人既感情基礎都打得好,睇得出其實你對呢段感情同埋對佢都有一定既疑心,試下放鬆d,你每日係度猜疑佢對你既愛,其實你都好累,而且無意中亦俾到唔少壓力俾你男友,我經驗所得有部份男人係感情上承受到大壓力既時候就會卻步,可能係你地開始既基礎唔係咁好,所以大家對呢段感情都冇信心,先至唔知應唔應該行落去~~
你試下唔好俾咁大壓力自己,亦唔好對佢咁大疑心,愛一個人,唯有相信佢,相信佢俾你既愛,唔好輕言講分手,我覺得兩個人可以走埋一齊,其實係一個福份,亦好難得,唔好糟蹋左段感情~好可惜呢.......
試下同男友講你相信佢,亦會繼續為佢付出,大家一齊努力,係唔開心既時候,多d諗下對方為你付出過既野,大家一齊經歷過開心既野,只要大家都有一個心行落去,所有困難都可以一齊行得過~

最後一句啦,呢個世界係你既就係你,唔係你既點挽留都留唔住~希望你地會幸福快樂^^

2007-10-11 17:55:50 補充：
仲有唔記得左講,決定做左就冇得後悔架喇,做決定考慮分唔分開之前,記得真心咁問清楚自己,你放唔放得低,係咪真心咁想同佢分開,如果唔係既,你就盡最大既努力去維繫去愛佢,起碼對得起自己,唔會後悔,盡左力最後都係要分開既,就同自己講,你得到一個經驗,長大了,就更加知道自己所追求既係咩野~~祝你開心快樂^^~~~~

其實佢答得出自己對妳係沒有愛這問題, (有或冇之間既人起碼都唔會正面回答..但佢答得到..)
已經可想而知佢對妳愛極有限..... (個人十分唔睇好)
但其實妳自己係米仲係好愛佢? (有時候放棄都係一個愛既表現)
係都冇計,因為愛情係盲目既 (提醒:佢已經唔係...)
所以只好等佢自己下個決定/心, (妳最好都諗下這樣下去可有幸福嗎)
不過這樣都是一件好事,好過拖拖拉拉, (妳諗下自己這樣的花樣年華是否值得這樣為一個唔愛妳既人虛耗下去?)
只好徒增更多的傷痛... (我想他這樣對妳,妳現在可能已經好痛...不過愛慵亦都係最好既止痛藥,所以不肯定中)
祝妳好運, 誠心的^_^

如果你對佢有feel
佢對你有feel
就一起lo~
你要清楚知道佢係唔係重愛你
你重中唔中意佢,,,
其實愛情真係好簡單
只要你同佢大家愛大家
就得~
我想你同佢可以一起la

拍拖係求開心，唔係求唔開心，