捉倉鼠正確手勢係點架?

A.拎起鼠背既皮係冇咩問題,因鼠背既神經線比較少,所以鼠鼠唔會覺得痛,但都會唔舒服,就好似如果你俾人一手扯起你件衫"的"起你成個人咁,所以一定會掙扎,鼠鼠都唔慣會驚既

我初初養鼠都一向用呢個方法抱鼠鼠,因為當時屋企人話咁就咁,記憶中我既鼠冇咩掙扎,應該係拎得多慣了,可想而知,鼠鼠係唔會痛,只係初時會好驚而已

當然,用呢個方法抱要注意,唔好太大力,一陣唔小心捉埋鼠鼠皮下既肉就慘了,同埋用呢個方法俾藥俾鼠鼠,鼠鼠可以會一次比一次藥,因為佢會發覺咁就係要食藥,咁之後再俾藥鼠鼠食,要過既心理關口都唔小呢

平日正常既抱法就係一隻手用食指同手指公托住鼠鼠兩隻手下方,掌心托住鼠鼠身體(肚OR背都可以),最好多一隻手幫手就更安全

B.俾鼠鼠食藥我自己就唔會用勉強既方法,我較喜歡呃鼠鼠食藥

唔知你既藥係咩藥呢?
液體既藥可以放入針筒(去睇醫生既應該會有埋俾你,冇就可以去藥房買一次,拔去針再用,小心處理支針呀),在針筒前可放一D鼠鼠鍾意食既野,好似你另一條問題講既木瓜粒,平日可以唔俾佢食,係食藥先有得食,咁就易哄佢食藥多D

如果係粒狀就困難得多了,因為粒狀既藥未必可以將佢整成粉,一粒藥變成粉,吸收速度就會快好多,咁既話可能會有危險(人食既藥都係,唔好亂整碎d藥食,一粒分兩邊,吸收速度已經會增加)
最好就睇醫生時問醫生有冇液體既藥,又或問下可唔可以整碎混水,如果唔係俾粒狀就好多時要勉強了,又或可以試下將藥粒放入白麵包中,但鼠鼠好叻,好易發現既

俾鼠鼠食藥我都覺得十分難受,鼠鼠反應實在好大,一次比一次難餵,心痛都唔緊要,最慘係食藥冇好轉得咁快就更難受,希望你感受唔到呢樣啦

2007-10-11 20:48:31 補充：
睇返另一條問題既補充,我知你既鼠鼠係肚瀉要食藥,咁就唔好用木瓜粒引佢食了,可以用麥片or麵包放在針筒口呢

2007-10-12 17:11:30 補充：
你隻鼠咁醒,可能係我養既鼠都比較呆,養熊仔鼠多係咁^^醒都好,最少唔係病到郁唔到一定要捉既話就心痛d,但俾心機啦,希望你既鼠快d冇事,同鼠鼠一齊努力啦!

啱,當然啱!
我很多年前已經開始養倉鼠了!
佢掙扎是正常的,
你不用害怕的,
因為倉鼠的膽子比較少!
只要你給多點愛心和耐性就可以了!

其實仲有一個方法,就係用虎口夾住佢後面,用姆指由佢個肚中間向左定住佢左手,再用無名指用同樣的方法定住佢個肚,我覺得用E個方法佢不會痛!

平時抱佢o既時候我會用拇指同食指托住佢腋下, 將佢個身放嚮手掌度, 咁樣佢應該最舒服。
但如果係陌生人(例如獸醫)要捉佢, 為左避免比倉鼠咬到, 就多數會扯佢頸後o既皮提起佢。
如果要食藥的話, 我記得以前獸醫教我將d藥撈落乳酪度, 然後注入針筒, 咁樣佢會自動黎飲。不過隻隻藥唔同, 你可以問下你個獸醫, 可唔可以將d藥混入食物度比佢, 咁就唔使逼佢食啦。

我都有養鼠鼠架,
用手扯起佢後面層皮ge手勢是岩架,
我果隻都會係咁掙扎,
但其實係佢覺得有野捉住佢, 佢覺得好唔舒服, 先係咁,,
而且倉鼠仔好細膽, 你捉住佢, 佢以為有生命危險先至係咁掙扎,
其實佢唔係覺得痛lor,,
不過捉ge位置一定係耳仔後面ge果層皮,
捉錯/太大力就會整痛佢架喇,,
我都有問過d賣倉鼠店員,
除左用呢個方法捉之外都冇架喇...

希望你隻鼠鼠聽話d, 快d好返啦,, =]